ئەيدىزدىن يۇقۇملانغۇچىلار قانچىلىك ئۆمۈر كۆرەلەيدۇ؟(1)

2012.11.26 16:35

پرىنتېرلاش

خەت چوڭ-كىچىكلىكى

　　ئالدى بىلەن، ئادەم بەدىنى HIV-1 دىن يۇقۇملانغاندىن كېيىن، تاللىنىشچان ھالدا نىشانلىق ھۈجەيرىدىكى CD4 قوبۇل قىلغۇچى تەنچىگە ئادسورپىسىيىلىنىپ، ياردەمچى قوبۇل قىلغۇچى تەنچىنىڭ ياردىمىدە قونالغۇ خوجىسى بولغان ھۈجەيرىگە كىرىدۇ. ھالقىلىشپ بىر تەرتىپكە كەلگەندىن كېيىن، كۆچۈرۈپ، قۇراشتۇرۇلۇپ، يېتىلىپ ۋە بىخلانغاندىن كېيىن، مۇكەممەل ۋىرۇس دانچىسى ھالىتىدە شەكىللىنىدۇ. بىرسوتكىدىن ئىككى سوتكىغىچە بولغان ئارىلىقتا قىسمەن لىمفا تۈگۈنلىرىگىچە يېتىپ بارىدۇ. ئادەتتە ئىككى ھەپتىدىن تۆت ھەپتىگىچە بولغان ئارىلىقتا، ئادەم بەدىنىدە بەزى ئالامەتلەر پەيدا بولۇشقا باشلايدۇ، كلىنكىدا ئاساسەن قىزىش، كۆڭلى ئاينىش، ئىچى سۈرۈش، بوغۇم ئاغرىش، لىمفا تۈگۈنى ئىششىپ يوغىناش ھەتتا نېرۋا سىستېمىسى ئالامەتلىرى كۆرۈلىدۇ. كۆپ ساندىكى بىمارلارنىڭ كلىنىكىلىق ئالامەتلىرى يېنىك بولۇپ، بىر ھەپتىدىن ئۈچ ھەپتىگىچە داۋاملاشقاندىن كېيىن ئاندىن پەسىيىشكە باشلايدۇ.

　　جىددىي يۇقۇملىنىش مەزگىلىدىن ئۆتكەندىن كېيىن، يوشۇرۇن مەزگىلىگە كىرىدۇ، يەنى ئالامەتسىز مەزگىل. بۇ مەزگىل يۇقۇملىنىپ ئۆلۈمگىچە بولغان ۋاقىتنىڭ %80 نى ئىگەللەيدۇ. بۇ مەزگىلدە كۆپ ساندىكى يۇقۇملانغۇچىلار سىرتتىن قاراشقا ساغلام ئادەملەر بىلەن ھېچقانداق پەرقى يوق، پەقەت تەن ئىچىدىكى ۋىرۇس بىلەن ئۆز تېنىدىكى ئىممۇنىتېت سىستېمىسى ئۆز ئارا كۆرەش ئېلىپ بارىدۇ. ئالامەتسىز مەزگىلنىڭ داۋام قىلىشى ئۇزۇن ۋە ياكى قىسقا بولىدۇ، ئاز بولغاندا 2 يىل، كۆپ بولغاندا 20 يىلغىچە يېتىدۇ. ئۇنىڭ ئۇزاق ياكى قىسقا بولۇشى يۇقۇملىنىش يولى بىلەن زىچ مۇناسىۋەتلىك. ئادەتتىكى ئەھۋال ئاستىدا، قان ئارقىلىق يۇقۇملانغۇچىلارنىڭ (ئاساسلىقى قانۇنسىز قان ئېلىش ۋەئىشپىرىسنى ئورتاق ئىشلىتىش) 4 يىلدىن 5 يىلغىچە بولىدۇ، جىنسىي مۇناسىۋەت ئارقىلىق يۇققانلارنىڭ 11 يىلدىن 13 يىلغىچە بولىدۇ. ئەگەر بىر ئەيدىزدىن يۇقۇملانغۇچىنىڭ ئالامەتسىز مەزگىلى 13 يىلغىچە يەتسە، ئۇزاق مەزگىل ياشىغۇچىلاردەپ ئاتاشقا بولىدۇ.

【1】【2】

مەسئۇل مۇھەررىر : قەدىرىيە