خەلق تورى ئۇيغۇرچە قانىلىنىڭ 5-ماي بېيجىڭدىن بەرگەن تېلېگراممىسى: 4-ئاينىڭ 14- كۈنى، تۈركىيەنىڭ ئىستانبۇلدا، كىشىلەر كۆك مەسچىت (سۇلتان ئەھمەد مەسچىتى)دە سەيلە قىلماقتا. كۆك مەسچىت نۇرغۇن كۆك فارفۇر خىش بىلەن بېزەلگەن بولغاچقا شۇنداق ئاتالغان بولۇپ، ئىستانبۇلدىكى بەلگىلىك قۇرۇلۇشلارنىڭ بىرى. تۈركىيە جۇمھۇرىيىتى ياۋروپا-ئاسىيا چوڭ قۇرۇقلۇقىدىن ھالقىغان بولۇپ، زېمىنىنىڭ كۆلىمى 783 مىڭ 600 كىۋادرات كىلومېتىر كېلىدۇ، بۇنىڭ %97 دۆلەت زېمىنى ئاسىيا قىتئەسىدىكى كىچىك ئاسىيا يېرىم ئارىلىغا جايلاشقان، %3 زېمىنى ياۋروپا قىتئەسىدىكى بالقان يېرىم ئارىلىغا جايلاشقان، پايتەخت ئەنقەرە ئاناتولىيە ئىگىزلىكىنىڭ غەربىي شىمالىغا جايلاشقان. ئىستانبۇل، ئانتالىيە ۋە ئىزمىر قاتارلىق مەشھۇر تارىخىي شەھەرلەر دۇنياغا داڭلىق ساياھەت رايونىدۇر.
كۆرۈپ بېكىتكۈچى: ياسىن قادىر
مەنبە: خەلق تورى