خەلق تورى ئۇيغۇرچە قانىلىنىڭ 20- مارت بېيجىڭدىن بەرگەن تېلېگراممىسى: (ئىختىيارىي مۇخبىرىمىز تۇرسۇن راخمان خەۋىرى، فوتوسى) پوسكام ناھىيەسى ئاپتونوم رايوننىڭ يېزىلاردىكى مەجبۇرىيەت ئەمگىكىنى ئومۇميۈزلۈك ئەمەلدىن قالدۇرۇپ، يېزا ئېشىنچا ئەمگەك كۈچلىرىنى تېخنىكا جەھەتتىن تەربىيەلەش خىزمىتىنى ئومۇميۈزلۈك يولغا قويۇپ، يېزىلاردىكى ئېشىنچا ئەمگەك كۈچلىرىنى ئاساسىي تېخنىكا ماھارىتى بويىچە تەربىيەلەپ، يېزا ئېشىنچا ئەمگەك كۈچلىرىنىڭ ئىشقا ئورۇنلىشىش ئىقتىدارىنى ئۆستۈرۈشنى ئىلگىرى سۈرۈپ نامراتلىقتىن قۇتۇلدۇرۇش جەھەتتىكى ئورۇنلاشتۇرۇشىغا ئاساسەن، بۇ يىل 1-ئايدىن 3-ئاينىڭ ئاخىرلىرىغىچە ناھىيەلىك كەسپىي تەربىيەلەش مەكتىپى، ناھىيە ۋە يېزا-بازارلاردا قۇرۇلغان ئىگىلىك تىكلەش تىپىدىكى مىكرو كارخانىلار ۋە تۈرلۈك كەسپىي ھەمكارلىق كۆپىراتىپلىرىدىن پايدىلىنىپ، يېزا-بازارلاردىكى 10 مىڭدىن ئارتۇق ئەمگەك كۈچىنى تۈركۈم، باسقۇچقا بولۇپ ئاپتوموبىل، تىراكتور رېمونتچىلىقى، ئاپتوموبىل، تىراكتور شوپۇرلىقى، باغۋەنچىلىك، چارۋىچىلىق، ئەسلىھەلىك يېزا ئىگىلىكى، ئوي قۇشلىرى باقمىچىلىقى، تىككۈچىلىك، كەشتىچىلىك، گىلەمچىلىك، ھۆسن تۈزەش، پېچىنە-پىرەنىك پىشۇرۇقچىلىقى، قورۇما تەييارلاش، توكچىلىق، كەپشەرچىلىك، تامچىلىق، ئوي بېزەكچىلىكى، ئائىلە مۇلازىمەتچىلىكى، كومپيۇتېر، ئۇچۇر-ئالاقە، تور سودىسى قاتارلىق 20 نەچچە خىل كەسىپ تۈرلىرى بويىچە ھەقسىز تەربىيەلەپ، ئۇلارنىڭ ئىگىلىك تىكلىشىگە «يېشىل چىراغ » يېقىپ بەردى ھەمدە رايون ئىچى ۋە سىرتىدا 300 دىن ئارتۇق ئىش ئورنى بىلەن ئالاقىلىشىپ، 4000 دىن ئارتۇق كىشىنى ئىش ئورنىغا ئىگە قىلىپ، ئۇلارنىڭ كىرىمىنى ئاشۇرۇپ، نامراتلىقتىن قۇتۇلۇشىغا ياردەم بەردى.
سۈرەتتە: 19-مارت، كۈيباغ يېزىسىدىكى خانىم -قىزلار ياستۇق كەنتىدە قۇرۇلغان «مېھرىبان»لار تىككۈچىلىك ھەمكارلىق كۆپىراتىپىدا تىككۈچىلىكنى ئۆگەنمەكتە
كۆرۈپ بېكىتكۈچى: ياسىن قادىر
مەنبە: خەلق تور