بىڭتۈەن بىلەن يەرلىكنىڭ دوستلۇقى ئاساسىي قاتلامغا نەپ ئېلىپ كەلدى

2016.06.16 15:48   مەنبە: خەلق تورى

　　خەلق تورى ئۇيغۇرچە قانىلىنىڭ16 -ئىيۇن بېيجىڭدىن بەرگەن تېلېگراممىسى: (ئونسۇ ناھىيەلىك سۈپەت-تېخنىكا نازارەتچىلىكى ئىدارىسىدىن مۇنىردىن تۇنىياز خەۋىرى، يەن شۇلىن فوتوسى) ئونسۇ ناھىيەلىك سەھىيە ۋە پىلانلىق تۇغۇت كومىتېتىدىن كۆكيار باشقۇرۇش رايونىنىڭ ئېقىنبۇيى كەنتىگە چۈشكەن خىزمەت گۇرۇپپىسىدىكىلەر بىلەن يېزا ئىگىلىك 1-شىسى 12-تۇەن-مەيدان ئىنتىزام تەكشۈرۈش كومىتېتىدىن ئونسۇ ناھىيەسىنىڭ قىزىل بازىرىنىڭ غوللۇق كەنتىگە چۈشكەن خىزمەت گۇرۇپپىسىدىكىلەر زىچ ھەمكارلىشىپ، بىڭتۈەن رەھبەرلىرىنىڭ قوللىشىنى قولغا كەلتۈرۈپ، 14-ئىيۇن 10 مىڭ يۈەن قىممىتىدىكى 20 توننا سېمونتنى كۆكيار باشقۇرۇش رايونىنىڭ ئېقىنبۇيى كەنتىگە يۆتكەپ كېلىپ، كەنت كومىتېتىنىڭ قورۇسىنى قاتتىقلاشتۇرۇش قۇرۇلۇشىغا تەييارلاپ، كەنت دەرىجىلىك بازىنىڭ قىياپىتىنى ياخشىلاشقا ئاساس سالدى.

　　بۇ ئىككى ئورۇندىكى خىزمەت گۇرۇپپىسى ئۇزۇندىن بۇيان قويۇق دوستلۇق ئورناتقان بولۇپ، دائىم ئۆزلىرىنىڭ ياخشى تەجرىبىلىرىنى ئالماشتۇرۇشۇپ، بىر-بىرنى قوللاپ، تۈرلۈك ئورتاق قۇرۇش پائالىيىتىنى قانات يايدۇرۇپ، ئۆزئارا دوستلۇقنى چوڭقۇرلاشتۇرۇش ۋە ئىككىنى ھىمايە قىلىش خىزمىتىگە تېگىشلىك توھپە قوشتى.

　　سۈرەتتە: ئېقىنبۇيى كەنتىگە ئىئانە قىلىنغان سېمونتلار چۈشۈرۈلمەكتە.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ