يەتتە ئۆلكىدىكى داڭلىق مۇزېيلاردىن كەلتۈرۈلگەن 226 دانە نادىر مەدەنىيەت يادىكارلىقى 26-ئاپرېل شىنجاڭ ئۇيغۇر ئاپتونوم رايونلۇق مۇزېينىڭ 2-قەۋىتىدىكى كۆرگەزمە زالىغا ئېلىپ كېلىنىپ، «ساندۇق ئېچىپ، بىر-بىرلەپ تاپشۇرۇش» خىزمىتى ئېلىپ بېرىلدى. ئىگىلىنىشىچە، خەينەن ئۆلكىلىك مۇزېي، نەنجىڭ ئۆلكىلىك مۇزېي، فۇجيەن ئۆلكىلىك مۇزېي، جېجياڭ ئۆلكىلىك مۇزېي قاتارلىق يەتتە ئۆلكىدىكى مۇزېي بىرلىشىپ ئۆتكۈزگەن «يىپەك يولىدىكى يەلكەن» ـــ دېڭىز ئۈستى يىپەك يولى نادىر مەدەنىيەت يادىكارلىقلىرى يەتتە ئۆلكە بىرلەشمە كۆرگەزمىسى 30-ئاپرېل شىنجاڭ ئۇيغۇر ئاپتونوم رايونلۇق مۇزېيدا باشلانغان.
تونۇشتۇرۇلۇشىچە، بۇ كۆرگەزمە ۋاقىتچانلىق بويىچە تەرتىپكە تىزىلغان بولۇپ، «مىڭ يىللىق دېڭىز سەپىرى . دۇنياۋى تەسىر» قاتارلىق تۆت بۆلەككە ئايرىلغان، بۇ قېتىمقى كۆرگەزمىگە قويۇلغان بۇيۇملار سۇدىن، توپىدىن چىققان بۇيۇملارنى ئاساس قىلغان ھالدا يىپەك، ساپال بۇيۇملار، فارفور بۇيۇملار، مىس بۇيۇملار، تامغا، خۇش بۇي ماددىلار، ئەينەك بۇيۇملار، پۇل قاتارلىق تۈرلەرنى ئۆز ئىچىگە ئالىدىغان بولۇپ، جۇڭگونىڭ دېڭىز ئۈستى يىپەك يولىنىڭ شەكىللىنىش ئەھۋالىنى ئومۇميۈزلۈك نامايان قىلغان.