خەلق تورى ئۇيغۇرچە قانىلىنىڭ 20-ئاپرېل بېيجىڭدىن بەرگەن تېلېگراممىسى: يېقىندا خەۋەر قىلىنىشىچە، شەنشى ئۆلكىسى شاڭلو شەھىرىدىن 22ياشلىق تاڭ گوڭ ئىسىملىق قىز ئامېرىكا ماسساچۇستىس سانائەت ئىنىستىتۇتىغا قوبۇل قىلىنغان ھەمدە پۈتۈن سوممىلىق ئوقۇش مۇكاپاتىغا ئېرىشكەنلىكى شاڭلو شەھىرىدە قىززىق تېما بولۇپ قالغان. تاڭ گوڭنىڭ ئۆسۈپ يېتىلىشى ھەققىدە سۆزلىگەندە ئۇنىڭ ئاتا ئانىسى قىزىنىڭ ئەڭ چوڭ ئالاھىدىلىكىنىڭ ئۇيۇنخۇمار ئىكەنلىكىنى، ئاساسەن ئويناپ يۈرۈپ چىڭخۇا ئۇنىۋېرسىتېتىغا ئۆتكەنلىكىنى ئېيتقان.
تاڭ گوڭ چىڭخۇا ئۇنىۋېرسىتېتى قۇرۇلۇش ئىنىستىتۇتى قۇرۇلۇش مۇھىت كەسپىنىڭ 4-يىللىق ئوقۇغۇچىسى بولۇپ، يېقىندا ئامېرىكا ماسساچۇستىس سانائەت ئىنىستىتۇتى، خارۋارد ئۇنىۋېرسىتېتى، كورنېل ئۇنىۋېرسىتېتى، يالى ئۇنىۋېرسىتېتى، كولۇمبىيە ئۇنىۋېرسىتېتى ۋە دۇك ئۇنىۋېرسىتېتى قاتارلىق 6داڭلىق ئۇنىۋېرسىتېتىنىڭ قۇبۇل قىلىش چاقىرىقىنى تاپشۇرۇۋالغان. تاڭ گوڭ ئاخىرىدا ماسساچۇستىس سانائەت ئىنىستىتۇتىنى تاللىغان ھەمدە پۈتۈل سوممىلىق ئوقۇش مۇكاپات پۇلىغا ئېرىشكەن.
ئۆگىنىشكە نىسبەتەن تاڭ گوڭ چاخچاق قىلىپ: «مېنىڭمۇ ئۆگەنگۈم يوق، بىراق ئادەم سەت بولغاندىكىن كۆپرەك كىتاب كۆرۈشى كېرەك، ھەر قېتىم ئۆگەنگۈم كەلمىگەندە ئەينەككە قارىساملا ئۆگىنىش قىلغۇم كېلىدۇ» دەيدۇ. ئۇ يەنە: «ئويناشنى، ھوزۇرلىنىشنى ياختۇرىمەن، بىراق چېكىدىن ئاشقان ئويۇن-تاماشىغا قارشى» دەيدۇ.
تەرجىمە مۇھەررىرى:ت. ئا.ئەركمان
مەنبە: خەلق تورى