خەلق تورى ئۇيغۇرچە قانىلىنىڭ 7-دېكابىر بېيجىڭدىن بەرگەن تېلېگراممىسى: ئامېرىكا فىدراتسىيە تەكشۈرۈش ئىدارىسى 6-يانۋار چۈشتە سان فرانسىسكودا ئاخبارات ئېلان قىلىش يىغىنى ئۆتكۈزۈپ، جۇڭگونىڭ سان فرانسىسكودا تۇرۇشلۇق باش كونسۇلخانىسىغا ئوت قويۇش ۋەقەسىنىڭ شەخسي دېلو بولۇپ، ئۇنىڭ ھېچقانداق بىر تەشكىلات بىلەن مۇناسىۋىتى يوقلۇقى ھەققىدە ئومۇمىي ئۇقتۇرۇش قىلدى. (خەلق تورى لى مۇ خەۋىرى)
FBIنىڭ تونۇشتۇرۇشىچە، بۇ جىنايەت گۇماندارى يەن فېڭ ئىسىملىك 39 ياشلىق جۇڭگولۇق ئەر بولۇپ، ئامېرىكىنىڭ قانۇنلۇق مەڭگۈلۈك ئاھالىسى ئىكەن. بۇ جىنايەت گۇماندارى 3-يانۋار كەچتە سان فرانسىسكو رايونىنىڭ دالى رايونىدا ئۆزىنى مەلۇم قىلغان.
FBI بۇ پارتلىتىش دېلوسىنىڭ غەرىزىنى ۋاقتىنچە ئاشكارىلىمايدىغان بولۇپ، بۇ ئەرنىڭ ھېچقانداق تەشكىلاتقا چېتىشلىق ئەمەسلىكىنى، بۇ دېلونىڭ شەخسىي جىنايەتكە تەۋە بولۇپ، 2008-يىلدىكى ئوت قويۇش ۋەقەسى بىلەن ھېچقانداق چېتشىلىقى يوقلۇقىنى ئېيتقان.FBI يەنە بۇ ئەرنىڭ ئوت قويۇش جىنايىتى ۋە مال ـ مۈلۈككە بۇزغۇنچىلىق قىلىش جىنايىتى بىلەن ئەيىبلىنىدىغانلىقىنى ئۇقتۇرۇش قىلغان.