خەلق تورى ئۇيغۇرچە قانىلىنىڭ 22-سېنتەبىر بېيجىڭدىن بەرگەن تېلېگراممىسى: جىلىن يېزا ـ ئىگىلىك ئۇنىۋېرسىتېتى كۇتۇپخانىسىنىڭ 2-قەۋىتىدە، ئۆزگىچە «ئۆگىنىشخانا» تەسسىس قىلىنغان. بۇ يەرگە كېلىپ ئۆگىنىش قىلىدىغان ئوقۇغۇچىلار يىلدا 800 يۈەن تۆلىسىلا، بۇ ئۆگىنىشخانىنىڭ «ئىگىسى» بولۇپ، تامامەن ئۆزىگە تەۋە ئۆگىنىش ئورنى بولىدىكەن. ئىگىلىنىشىچە، «ئۆگىنىشخانا» ناھايىتى بازارلىق بولۇپ، 169 خانىنىڭ ھەممىسىنىڭلا ئىگىسى بار ئىكەن. مۇئەللىم، ئوقۇغۇچىلارنىڭ پايدىلىنىش نىسبىتىنىڭ ئېشىشىغا ئەگىشىپ، ئاسپىرانتلىققا ئىمتىھان بېرىدىغان ئوقۇغۇچىلارنىڭمۇ كۆپەيگەنلىكىنى ئېيتتى.
«ئۆگىنىشخانا»دىن كۆپ ئادەمنىڭ پايدىلىنىشى چەكلىنىدىغان بولۇپ، ئىجارىگە بېرىشكە ياكى باشقىلارنىڭ پايدىلىنىشىغا بېرىپ تۇرۇشقا يول قويۇلمايدىكەن، يۇقىرىقىدەك ئەھۋال بايقالسا قايتۇرۇۋېلىش بىلەن بىرگە شۇ يىللىق تاپشۇرغان بارلىق ھەققى قايتۇرۇلمايدىكەن.
مەنبە: خەلق تورى