يېقىنقى كۈنلەردە تەڭرىتاغ تورى باشلىغان « شىنجاڭنى سۆيىمەن، شىنجاڭ ئۈچۈن سۆزلەيمەن» تېمىسىدىكى تور مېكرو پائالىيىتى قىزىپ كەتتى. 7-ئاينىڭ 11-كۈنى شۇنچە يىراق بېيجىڭدىكى چيەنلوڭ تورى خىزمەتچىلىرىمۇ تۇشمۇ تۇشتىن «شىنجاڭنى سۆيىمەن، شىنجاڭ ئۈچۈن سۆزلەيمەن» مەزمۇنىدىكى سۈرەتلەر ئارقىلىق، شىنجاڭغا بولغان قىزغىن مۇھەببىتىنى بىلدۈردى.
چيەنلوڭ تورىدىكى چىرايلىق تەھرىر قىزلار:« بىز شىنجاڭنى سۆيىمىز، ئۇيەرنىڭ گۈزەل تاغ-دەريالىرى، شېرىن مېۋىلىرىگە ئىنتىلىمىز. گەرچە بېيجىڭ شىنجاڭدىن 3000 كېلومېتىر يىراقتا بولسىمۇ، لېكىن بىزنىڭ قەلبىمىز شىنجاڭدىكى ھەرمىللەت خەلقىنىڭ قەلبىگە تۇتاش!» دېدى.
7-ئاينىڭ 2-كۈنى چۈشتىن كېيىن، تەڭرىتاغ تورى تېڭشۈن، شىنلاڭ مىكرو بىلوگلىرىدا «شىنجاڭنى سۆيىمەن، شىنجاڭ ئۈچۈن سۆزلەيمەن» تېمىسىدىكى تور مىكرو پائالىيىتىنى قوزغاپ، پۈتۈن مەملىكەت تورداشلىرىنىڭ كۈچلۈك دىققىتىنى قوزغىدى، مەملىكەتنىڭ ھەرقايسى جايلىرىدىكى تورداشلارمۇ ئارقا-ئارقىدىن ئۆزلىرى سىنئالغۇغا ئېلىش ياكى رەسىمگە تارتىش ئارقىلىق پائالىيەتكە قاتنىشىپ، گۈزەل شىنجاڭغا بولغان مۇھەببىتىنى بىلدۈردى. «شىنجاڭنى سۆيىمەن، شىنجاڭ ئۈچۈن سۆزلەيمەن» تېمىسىدىكى پائالىيەت يولغا قويۇلۇپ 7-ئاينىڭ 10-كۈنى سائەت 15كە قەدەر، مۇناسىۋەتلىك مىكرو بىلوگ 65مىڭ 129 تالغا، كۆچۈرۈش، باھالاش مىقدارى 390مىڭغا، كۆرۈلۈش مىقدارى 54 مىليون 250مىڭغا يەتكەن.
مەنبە: خەلق تورى