خەلق تورىنىڭ 12-ئىيۇل بېيجىڭدىن بەرگەن تېلېگراممىسى: شۇ يەر ۋاقتى 2013-يىلى 7-ئاينىڭ 10-كۈنى، ئامېرىكا ۋاشىنگتون، 5-نۆۋەتلىك جۇڭگو-ئامېرىكا ستراتېگىيىسى ۋە ئىقتىساد سۆھبىتى كېلىمات ئۆزگىرىشى يىغىنى ۋاشىنگتوندا ئۆتكۈزۈلدى. ئامېرىكىنىڭ مۇئاۋىن زۇڭتۇڭى بېدىن شۇ كۈنى ئېچىلىش مۇراسىمىدا سۆز قىلدى. ئۇ نۇتۇقىنى باشلىشى بىلەنلا پۈتۈن ئامېرىكا خەلقىگە ۋاكالىتەن 4كۈن ئاۋۋال كورىيە-ئاسىيا ئاۋىئاتسىيىسى ئايروپىلان چۈشۈپ كېتىش ھادىسىسىدە سولغان «گۈزەل ھايات» ـــ 2 نەپەر ياش جۇڭگۇلۇق ئوقۇغۇچىغا تەزىيە بىلدۈردى. ھەمدە قازا قىلغان قىزلارنىڭ ئائىلە تاۋابىئاتلىرىدىن ھال سورايدىغانلىقىنى بىلدۈردى.