- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
چاۋشيەن 2007-يىلى توختىتىپ قويغان ئاتوم رېئاكتورىنى قايتا قوزغىتىدىغانلىقىنى بىلدۈردى
2013.04.03 15:55 مەنبە: تەڭرىتاغ ئۇيغۇرچە تورى
08-يىلى 27-ئىيۇن چاۋشيەن نيوڭبيوندىكى يادرو رېئاكتورىنىڭ سوۋۇتۇش مۇنارىنى پارتلاتتى
خەۋەرلەرگە قارىغاندا ، چاۋشيەن يېقىندا 2007-يىلى توختىتىپ قويغان بەش مېگاۋاتلىق گىرافىتلىق سۈرئەت ئاستىلىتىدىغان رېئاكتورنى قايتا قوزغىتىدىغانلىقىنى بىلدۈرگەن . نيوڭبيوندىكى يادرو ئەسلىھەلىرىنىڭ ئاساسلىق قازىنى بولغان بۇ رېئاكتور چاۋشيەن پايتەختى پيوڭياڭنىڭ شىمالىغا تەخمىنەن 100 كىلومېتىر كېلىدىغان جايدا بولۇپ ، ئاتوم بومبىسىغا لازىملىق پلوتونىينى ئىشلەپچىقىرىشقا ئىشلەتكىلى بولىدىكەن . 2007-يىلى ئىيۇلدا ، چاۋشيەن بەش مېگاۋاتلىق بۇ رېئاكتورنى توختىتىدىغانلىقىنى ئېلان قىلغان ، 2008-يىلى 27-ئىيۇن نيوڭبيوندىكى يادرو رېئاكتورىنىڭ سوۋۇتۇش مۇنارىنى پارتلىتىپ بۇزۇپ ، ئۆزىنىڭ يادرودىن ۋاز كېچىش ئىرادىسىنى بىلدۈرگەن .
چاۋشيەن ئاتوم ئېنېرگىيەسى باش ئىدارىسىنىڭ باياناتچىسى 2-ئاپرېل چاۋشيەن مەركەز ئاگېنتلىقى مۇخبىرىنىڭ بۇ ھەقتىكى سوئالىغا جاۋاب بەرگەندە :پارتىيە مەركىزىي كومىتېتى ئومۇمىي يىغىنى ئوتتۇرىغا قويغان ئىقتىسادىي قۇرۇلۇش ۋە يادرو قۇرۇلۇشىنى تەڭلا ئېلىپ بېرىش لۇشيەنىگە ئاساسەن ، چاۋشيەندىكى ئاتوم ئېنېرگىيە تارماقلىرى يادرو سانائىتىنى تەرەققىي قىلدۇرۇپ ، دۆلىتىمىزنىڭ توك قىس بولۇش مەسىلىسىنى ئاكتىپ ھەل قىلىدۇ ›› دېگەن .
مەسئۇل مۇھەررىر : ھەبىبە