تۇرۇبا مېھمانخانىسى
گېرمانىيەنىڭ غەربىي قىسمىدىكى تروللوپ شەھىرىدىكى بېرنارد باغچىسىدا ئۆزگىچە بىر مېھمانخانا بار . بۇ مېھمانخانا ئوتلاققا قويۇلغان بەش تۇرۇبىدىن ياسالغان بولۇپ، تۇرۇبا دەل مېھمانخانىنىڭ ياتىقىدۇر.
بۇ گېرمانىيەدىكى تۇنجى ھەم بىردىنبىر تۇرۇبا مېھمانخانىسى. بۇ تۇرۇبىلارنىڭ ئۇزۇنلۇقى ئۈچ مېتىر، ئېغىرلىقى بەش توننا، ئايلانمىسى 2.4 مېتىر بولۇپ، بېتوندىن ياسالغان. تۇرۇبىنىڭ بىر تەرىپى ئېتىۋېتىلگەن، يەنە بىر تەرىپىگە تاش ئىشىك ئورنىتىلغان. ھەر بىر تۇرۇبا بىر ياتاق بولۇپ، ئاددىي ھەم ئۆزگىچە، ھەر بىر ئۆيگە ياغاچ كارىۋات ، ماتراس، ئۇخلاش خالتىسى، ئىككى يۇڭ ئەدىيال ۋە ئىككى ياستۇق، ئۈستەل چىرىغى قويۇلغان.
بۇ مېھمانخانىنىڭ ياتاقلىرىدا شاۋقۇن – سۈرەن ئاڭلانمايدۇ، ئەتراپ مۇھىتىمۇ ناھايىتى جىمجىت، تۇرمۇش ۋە خىزمەت بېسىمى ئېغىر كىشىلەرنىڭ كۆڭۈلدىكىدەك ئارام ئېلىش ئورنى بولالايدۇ. مېھمانخانىنىڭ ئورۇنلاشتۇرۇلۇشىمۇ ئۆزگىچە بولۇپ، مەخسۇس كۈتۈۋېلىش ئورنى يوق، ياتاق زاكاز قىلىش ئالاقە تورىدا بېجىرىلىدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
