ئالجىرىيە بىلەن ئەزەربەيجان ئېنېرگىيە ھەمكارلىق ئەسلەتمىسى ئىمزالىدى

　　شۇ يەر ۋاقتى 29 -چېسلا، ئالجىرىيەنىڭ ئېنېرگىيە ۋە كانچىلىق مىنىستىرى مۇھەممەد ئەرقەب زىيارەتكە كەلگەن ئەزەربەيجان ئېنېرگىيە مىنىستىرى پەرۋىز شاھبازوف بىلەن سۆھبەتلەشتى. ئىككى دۆلەتنىڭ ئېنېرگىيە ۋە قېزىلما بايلىق تارماقلىرىنىڭ ئەمەلدارلىرى ۋە كارخانا ۋەكىللىرى سۆھبەتكە قاتناشتى.


　　سۆھبەتتە، ئىككى تەرەپ ئىككى دۆلەتنىڭ ئېنېرگىيە ساھەسىدە ھەمكارلىق مۇناسىۋىتىنى راۋاجلاندۇرۇشتىكى يېڭى پۇرسەتلەرنى نۇقتىلىق مۇزاكىرە قىلىپ، ئىككى دۆلەت شىركەتلىرىنىڭ نېفىت، تەبىئىي گاز جەھەتتىكى مەبلەغ سېلىش پۇرسىتى، ئىككى دۆلەتنىڭ نېفىت مەھسۇلاتلىرى، ئېلېكتىر، ھاسىلىي ئېنېرگىيە ھەمدە ئالاقىدار تەربىيەلەش قاتارلىق جەھەتلەردە ھەمكارلىشىش مۇمكىنچىلىكىنى مۇھاكىمە قىلدى.


　　ئىككى تەرەپ يەنە يەر شارى نېفىت ۋە تەبىئىي گاز بازىرىنىڭ تەرەققىيات ئەھۋالىنى مۇزاكىرە قىلىپ، «ئوپېك +» نىڭ يەر شارى نېفىت بازىرىنىڭ مۇقىملىقىنى ئەمەلگە ئاشۇرۇشتا ئوينىغان مۇھىم رولىنى مۇئەييەنلەشتۈردى.


　　سۆھبەت مەزگىلىدە، ئىككى تەرەپ ئالجىرىيە بىلەن ئەزەربەيجاننىڭ ئېنېرگىيە ساھەسىدىكى ھەمكارلىقىنى كۈچەيتىش توغرىسىدىكى چۈشىنىش ئەسلەتمىسىنى ئىمزالىدى.


　　كۆرۈپ بېكىتكۈچى: تۇرغۇن ئابلىز


　　مەنبە: خەلق تورى