ئالجىرىيەنىڭ سابىق زۇڭلىسى بىلەن سابىق سۇ بايلىقى مىنىستىرىغا جازا ھۆكۈم قىلىندى

　　خەلق تورى ئۇيغۇرچە قانىلىنىڭ 1-ئاينىڭ 20-كۈنى بېيجىڭدىن بەرگەن تېلېگراممىسى: ئالجىرىيەنىڭ بىر يەرلىك سوت مەھكىمىسى شۇ يەر ۋاقتى 19-چېسلا سابىق زۇڭلى ئابدۇل مالىك سەللالغا تۆت يىللىق قاماق جازاسى، سابىق سۇ بايلىقى مىنىستىرى نەشەبكە بەش يىللىق قاماق جازاسى ھۆكۈم قىلدى ھەمدە ھەربىرىىگە بىر مىليون دىنار (تەخمىنەن 45 مىڭ يۈەن خەلق پۇلى) جەرىمانە قويدى.

　　ئىگىلىنىشىچە، سەللال بىلەن نەشەب خىيانەتچىلىك، چىرىكلىك دېلوسىغا چېتىلىپ قالغانلىقى ئۈچۈن ئەيىبلەنگەن. ئۇلار ۋەزىپە ئۆتەۋاتقان مەزگىلدە بىر تۈرلۈك سۇچىلىق قۇرۇلۇشى توختامىنى ئۆز ئالدىغا ئامىنسىد گۇرۇھى شىركىتىگە بەرگەن بولۇپ، مۇناسىپ خېرىدار چاقىرىش تەرتىپىدىن ئۆتمىگەن. بۇ دېلو بىلەن مۇناسىۋەتلىك باشقا خادىملارغىمۇ بىرلا ۋاقىتتا جازا ھۆكۈم قىلىنغان.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى