پۇتىن رۇسىيە - جۇڭگو مۇناسىۋىتى تارىختىكى ئەڭ يۇقىرى سەۋىيەگە يەتتى، دېدى

　　خەلق تورى ئۇيغۇرچە قانىلىنىڭ 11-ئاينىڭ 19-كۈنى بېيجىڭدىن بەرگەن تېلېگراممىسى: رۇسىيە زۇڭتۇڭى پۇتىن 18-چېسلا رۇسىيە دىپلوماتىيە مىنىستىرلىقى مىنىستىرلىق ئىشلىرى كېڭىشىنىڭ كېڭەيتىلگەن يىغىنىغا قاتناشقاندا مۇنداق دېدى: رۇسىيە - جۇڭگو مۇناسىۋىتى تارىختىكى ئەڭ يۇقىرى سەۋىيەگە يەتتى.

　　پۇتىن مۇنۇلارنى بىلدۈردى: رۇسىيە - جۇڭگو ئىككى تەرەپ مۇناسىۋىتى تارىختىكى ئەڭ يۇقىرى سەۋىيەگە يەتتى، بۇنى 21-ئەسىردىكى دۆلەتلەر ئارا مۇناسىۋەتنىڭ ئۈلگىسى دېيىشكە بولىدۇ. ئۇ مۇنۇلارنى تەكىتلىدى: رۇسىيە بىلەن جۇڭگو غەربنىڭ ئىغۋاگەرچىلىكىگە پىسەنت قىلماي، ئىككى تەرەپنىڭ سىياسىي، ئىقتىساد قاتارلىق ساھەلەردىكى ھەمتۈرتكىسىنى داۋاملىق كېڭەيتىدۇ ھەم خەلقئارا سەھنىدە مەيدانىنى پائال ماسلاشتۇرىدۇ.

　　پۇتىن يەنە مۇنداق دېدى: رۇسىيە بارلىق دۆلەت ۋە رايون ھەمراھلىرى بىلەن ئۆزئارا مەنپەئەت يەتكۈزۈش، ئىجابىي مۇناسىۋەتنى راۋاجلاندۇرۇشقا كۈچ چىقىرىدۇ، خەلقئارا جەمئىيەت ئورتاق دۇچ كەلگەن خىرىس ۋە تەھدىتكە تاقابىل تۇرۇشقا پائال قاتنىشىدۇ. شۇنىڭ بىلەن بىللە، رۇسىيە تەرەپ بىرلەشكەن دۆلەتلەر تەشكىلاتىنىڭ خەلقئارا مەسىلىلەرنى ھەل قىلىشتا ئاچقۇچلۇق رولىنى جارى قىلدۇرۇشىنى قوللايدۇ.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى