شىنجاڭ ئۇيغۇر ئاپتونوم رايونى ئىلى قازاق ئاپتونوم ئوبلاستىنىڭ ھەر قايسى جايلىرى يېقىنقى كۈنلەردىن بۇيان ۋاقىتنى، سۈرئەتنى چىڭ تۇتۇپ، يۇقۇمنىڭ ئالدىنى ئېلىش-تىزگىنلەش خىزمىتىنى ياخشى ئىشلەش بىلەن بىر ۋاقىتتا، يېزا تاشيول تۈرى قۇرۇلۇشىنى تېز ئىلگىرى سۈردى. ھازىرغىچە، داۋاملىق قۇرىلىۋاتقان 15 تۈرنىڭ ھەممىسىدە ئىش باشلاندى، يېڭىدىن قۇرۇلغان 180 تۈرنىڭ يېرىمىغا يېقىندا ئىش باشلاندى.
مۇخبىر غۇلجا شەھىرى پەنجىم بازىرى سۇلاگاڭ كەنتىدىكى يېزا تاشيولى قۇرۇلۇشى مەيدانىدا چوڭ تىپتىكى ماشىنىلارنىڭ يېڭىدىن ياتقۇزۇلغان يول ئۇلىنى چىڭىتىۋاتقانلىقىنى، يېڭىدىن ياسالغان يولنىڭ پۈتەي دەپ قالغانلىقىنى كۆردى، غۇلجا شەھىرى پەنجىم بازىزى سۇلاگوڭ كەنتىنىڭ ئاھالىسى ئابىت ئەخمەتجان ئىچ-ئىچىدىن خۇشال بولۇپ: بۇ يول ياسالمىغان چاغدا موتسىكلىتمۇ كىرەلمەيتتى، يول ياسىلىپ ناھايىتى خۇشال بولدۇم، دېدى.
غۇلجا شەھىرى بۇ يىل سۇلاگوڭ كەنتىدىكى ئاھالىلەرنىڭ ئۆيلىرىنىڭ ئالدى-كەينىدىكى ئىككى كىلومېتىرلىق يولنى تۇتاشتۇرۇپ، كەنت ئاھالىلىرىنىڭ سەپەرگە چىقىشتىكى «ئاخىرقى بىر كىلومېتىر» مەسىلىسىنى ھەل قىلىدۇ، بۇ تۈردە ئىش باشلانغاندىن بۇيان، تۈرنى باشقۇرغۇچى تەرەپ، قۇرۇلۇش قىلغۇچى تەرەپ ۋاقىتنى، سۈرئەتنى چىڭ تۇتۇپ، قۇرۇلۇشنىڭ قەرەلىدە تاماملىنىشىغا كاپالەتلىك قىلدى.
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ