ئۆزبېكىستان جۇڭگو خىزمەت گۇرۇپپىسىنىڭ يۇقۇمغا تاقابىل تۇرۇش خىزمىتىگە ھەمكارلاشقانلىقىغا يۇقىرى باھا بەردى
ئۆزبېكىستاننىڭ سەھىيە مىنىستىرى شادىمانوف 4-ئاينىڭ 27-كۈنى مۇنداق دېدى: جۇڭگونىڭ ئۆزبېكىستانغا بارغان بىرلەشمە خىزمەت گۇرۇپپىسى 10 كۈن ئىچىدە ئۆزبېكىستاندىكى بارلىق ئېغىر يۇقۇم رايونلىرىغا بېرىپ، جايلارنىڭ يۇقۇم ئەھۋالىنى تەھلىل قىلىشى، ئالدىنى ئېلىش-تىزگىنلەش تەدبىرلىرىنى باھالىشىغا ھەمكارلىشىپ، جۇڭگو تېبابىتى بىلەن غەرب تېبابىتىنى بىرلەشتۈرۈپ داۋالاش ئۇسۇلىدىن خالىسانە ھەمبەھىرلىنىپ، ئۆزبېكىستان رەھبەرلىرى ۋە ئاممىسىنىڭ يۇقىرى باھاسىغا ئېرىشتى. شادىمانوف مۇنداق دېدى: ئۆزبېكىستان جۇڭگو خىزمەت گۇرۇپپىسى ھەمبەھىرلەنگەن قىممەتلىك تەجرىبە ۋە ئۇسۇللارنى ئەستايىدىل قوبۇل قىلىۋاتىدۇ، ئۆزبېكىستان-جۇڭگو يىراق مۇساپىلىك داۋالاش سىستېمىسى ۋە داۋالاش مۇتەخەسسىسلىرىنى يېتىشتۈرۈش ئاپپاراتى ئارقىلىق جۇڭگو بىلەن داۋاملىق زىچ ئالاقە قىلىپ، يۇقۇم ئۈستىدىن بالدۇرراق غەلىبە قىلىشنى خالايدۇ.
مەسئۇل مۇھەررىر : مەلىكەم مەمەت
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ