جۇڭگولۇق ساياھەتچىلەرنىڭ ئازىيىشى ئامېرىكىنىڭ ساياھەت ساھەسىنى ئەندىشىگە سالدى

　　ئامېرىكا ۋاشىنگتون ساياھەت ئىدارىسى 8-ئاينىڭ 27 - كۈنى ئېلان قىلغان يىللىق دوكلاتتا ئايان بولۇشىچە، 2018 - يىلى ۋاشىنگتونغا كەلگەن جۇڭگولۇق ساياھەتچى 226 مىڭ بولۇپ، ئالدىنقى يىلدىكىدىن % 25 ئازايغان.ئامېرىكا ساياھەت جەمئىيىتىنىڭ يېقىنقى مەزگىللىك سانلىق مەلۇماتىدا كۆرسىتىلىشىچە، جۇڭگولۇق ساياھەتچىلەرنىڭ ئازىيىشى ئامېرىكا پايتەختى ۋاشىنگتوندا كۆرۈلۈپ قالماي، پۈتۈن ئامېرىكىدىكى جۇڭگولۇق ساياھەتچىلەرنىڭ سانىمۇ ئازايغان.2018 - يىلى، ئامېرىكىغا بارغان جۇڭگولۇق ساياھەتچىلەر ئالدىنقى يىلدىكىدىن % 5.7 ئازايغان.ئامېرىكا ساياھەت كەسپى بىلەن شۇغۇللانغۇچىلار بۇنىڭدىن ئەندىشە قىلىپ، ئىقتىساد - سودا سۈركىلىشى ئامېرىكىنىڭ ئۇزاق مۇددەت جۇڭگولۇق ساياھەتچىلەر مەنبەسى بازىرىدىن ئايرىلىپ قىلىشىنى كەلتۈرۈپ چىقىرىشى مۇمكىن دېگەن.