يەمەن ھۆكۈمەت ئارمىيەسى بىلەن قۇسەي قوراللىق كۈچلىرىنىڭ سوقۇشىدا يەتتە ئەسكەر قازا قىلدى
يەمەن ھۆكۈمەت ئارمىيەسى 7-ئاينىڭ 11 -كۈنى مۇنداق دېدى : ھۆكۈمەت ئارمىيەسى شۇ كۈنى يەمەننىڭ جەنۇبىدىكى بېدا ئۆلكىسىدە قۇسەي قوراللىق كۈچلىرى بىلەن كەسكىن جەڭ قىلغاندا، ھۆكۈمەت ئارمىيەسىنىڭ ئاز دېگەندە يەتتە ئەسكىرى قازا قىلدى. يەمەن ھۆكۈمەت ئارمىيەسىنىڭ ئىسىم - فامىلىسىنى ئاشكارىلاشنى خالىمىغان بىر ئەمەلدارى شىنخۇا ئاگېنتلىقى مۇخبىرىغا، ھۆكۈمەت ئارمىيەسى شۇ كۈنى بېدا ئۆلكىسىنىڭ شەرقىي قىسىم رايونىدا يەر يۈزى ھۇجۇمى قوزغاپ، قۇسەي قوراللىق كۈچلىرى كونترول قىلغان بىرقانچە ھەربىي ئورۇننى قايتۇرۇۋالماقچى بولغانلىقىنى،بۇ ھەرىكەتنىڭ قۇسەي قوراللىق كۈچلىرىنىڭ قارشىلىقىغا ئۇچرىغانلىقىنى، ئىككى تەرەپنىڭ ئېتىشىشى نەچچە سائەت داۋاملاشقانلىقىنى، ھۆكۈمەت ئارمىيەسىنىڭ ئاز دېگەندە يەتتە ئەسكىرىنىڭ قازا قىلغانلىقىنى، يەنە بىر نەچچە كشىىنىڭ يارىلانغانلىقىنى ئېيتتى. بۇ ئەمەلدار قۇسەي قوراللىق كۈچلىرى تەرەپنىڭ ئۆلۈم يېتىم ئەھۋالىنى ئاشكارىلىمىدى.
مەسئۇل مۇھەررىر : ئالىم راخمان
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
پەخىرلىك رېژىسسور شىرزات ياقۇپنى زىيارەت 
«ھاياتىم سەن بىلەن گۈزەل» ناملىق كىنونىڭ باش رولچىسى ئۈمىدجاننى زىيارەت
2019-يىللىق نۇسخىدىكى 5-يۈرۈش خەلق پۇلى تارقىتىلىدۇ 