چاۋشيەن تاراتقۇلىرى، چاۋشيەن بىلەن جۇڭگونىڭ دوستانە ھەمكارلىق ئۆز ئارا مەنپەئەت يەتكۇزۇز شەرتنامىسى ئىمزالانغانلىقىنىڭ 58 يىللىقىغا ئىجابىي باھا بەردى
چاۋشيەن مەركىزىي ئاگېنتلىقىنىڭ 7-ئاينىڭ 11 - كۈنىدىكى خەۋىرىگە قارىغاندا، چاۋشيەن ئەمگەكچىلەر پارتىيەسىنىڭ ئورگان گېزىتى بولغان « ئەمگەك خەۋەرلىرى » شۇ كۈنى ئىمزالىق ماقالە ئېلان قىلىپ، چاۋشيەن - جۇڭگو دوستلۇق مۇناسىۋىتىگە ئىجابىي باھا بېرىپ، « چاۋشيەن بىلەن جۇڭگونىڭ دوستانە ئۆز ئارا ياردەم بېرىش ھەمكارلىق شەرتنامىسى » ئىمزالانغانلىقىنىڭ 58 يىللىقىنى خاتىرىلىگەن. ماقالىدا مۇنداق دەپ كۆرسىتىلدى : بۇندىن 58 يىل ئىلگىرى چاۋشيەن بىلەن جۇڭگونىڭ پېشقەدەم بىر ئەۋلاد رەھبەرلىرى ئىمزالىغان « چاۋشيەن بىلەن جۇڭگونىڭ دوستانە ھەمكارلىق ئۆز ئارا ياردەم بېرىش شەرتنامىسى » چاۋشيەن - جۇڭگو دوستلۇق ھەمكارلىق مۇناسىۋىتىنى ئۇزاققىچە مۇستەھكەملەش ۋە راۋاجلاندۇرۇشنىڭ مۇستەھكەم قانۇنىي ئاساسى. بۇ شەرتنامە چاۋشيەن - جۇڭگو دوستلۇق ھەمكارلىق مۇناسىۋىتىنى كۈچەيتىش ۋە راۋاجلاندۇرۇش، ئىككى دۆلەتنىڭ سوتسىيالىزم ئىشلىرىنى ئىلگىرى سۈرۈش، ئاسىيا ۋە دۇنيانىڭ تىنچلىقى ۋە خەۋپسىزلىكىنى قوغداش ئۈچۈن زور تۆھپە قوشتى. نۆۋەتتىكى خەلقئارا مۇھىت چاۋشيەن - جۇڭگو خەلقلىرىنىڭ دەۋر ئېقىمىغا ماسلىشىپ ، چاۋشيەن -جۇڭگو مۇناسىۋىتىنى تېخىمۇ ياخشى تەرەققىي قىلدۇرۇشنى تەلەپ قىلىدۇ.
مەسئۇل مۇھەررىر : ئالىم راخمان
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ