- مۇھىم
- مەملىكەت
- شىنجاڭ
- خەلقئارا
ۋېنېزۇئېلا ئامېرىكا قىتئەسى دۆلەتلىرى تەشكىلاتىدىن رەسمىي چېكىنىپ چىقتى
2019.04.29 16:21 مەنبە: جۇڭگو ئۇيغۇرچە رادىيو تورى
ۋېنېزۇئېلا ھۆكۈمىتى 4-ئاينىڭ 27-كۈنى مۇنۇلارنى جاكارلىدى: ئامېرىكا قىتئەسى دۆلەتلىرى تەشكىلاتىدىن چېكىنىدىغان بارلىق تەرتىپلەرنى تاماملىدۇق، «ئامېرىكىنىڭ مەنپەئەتىگە بويسۇنىدىغان» بۇ تەشكىلاتتىن بۈگۈندىن باشلاپ تەلتۆكۈس ئايرىلدۇق.
ۋېنېزۇئېلا زۇڭتۇڭى مادۇرو شۇ كۈنى تىۋىتتىردا مۇنداق دېدى: ئامېرىكا قىتئەسى دۆلەتلىرى تەشكىلاتى دېموكراتىيە پىرىنسىپى ۋە خەلقئارا قانۇنغا ئەمەل قىلمايدىغان ئاتىكاچى تەشكىلات، ئامېرىكا ھۆكۈمىتىنىڭ «مۇستەملىكە تارمىقى». ۋېنېسۇئېلا ھەرقانداق جاھانگىرنىڭ مۇستەملىكىسىگە ئايلانمايدۇ، شۇڭا بىز ئامېرىكا قىتئەسى دۆلەتلىرى تەشكىلاتى بىلەن خوشلاشتۇق، مەڭگۈ قايتىپ كەلمەيمىز.
شۇ كۈنى چۈشتىن بۇرۇن، ۋېنېزۇئېلا ھۆكۈمىتىنىڭ ئون مىڭدىن ئارتۇق قوللىغۇچىسى پايتەخت كاراكاستا چوڭ كۆلەملىك نامايىش پائالىيىتى ئۆتكۈزۈپ، دۆلەتنىڭ ئامېرىكا قىتئەسى دۆلەتلىرى تەشكىلاتىدىن رەسمىي چېكىنىپ چىققانلىقىنى تەبرىكلىدى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
ئالاقىدار خەۋەرلەر