پوروشېنكو ۋە زېلېنسكىنىڭ ئۇكرائىنا زۇڭتۇڭ سايلىمىنىڭ ئىككىنچى نۆۋەتلىك سايلىمىغا كىرىشى ئېنىق بولدى

2019.04.03 15:29   مەنبە: خەلق تورى

　　سۈرەتتە: 4-ئاينىڭ 1-كۈنى ئۇكرائىنانىڭ كىيېۋدا، ئۇكرائىنا مەركىزىي سايلام كومىتېتى مۇخبىرلارنى كۈتۈۋېلىش يىغىنى ئاچتى.

　　خەلق تورى ئۇيغۇرچە قانىلىنىڭ 3- ئاپرىل بېيجىڭدىن بەرگەن تېلېگراممىسى: ئۇكرائىنا مەركىزىي سايلام كومىتېتىنىڭ 2-ئاپرېل ئېلان قىلغان ئەڭ يېڭى بېلەت ھېسابلاش ئۇچۇرىغا ئاساسلانغاندا، ئارتىس فلادىمىر زېلېنسكىي ۋە زۇڭتۇڭ پېترو پوروشېنكونىڭ زۇڭتۇڭ سايلىمىدا بېلەتكە ئېرىشىش نىسبىتى باشقا نامزاتلارنىڭ ئالدىدا تۇرغان بولۇپ، 2- نۆۋەتلىك بېلەت تاشلاش ئارقىلىق زۇڭتۇڭ سايلىمىنىڭ ئەڭ ئاخىرقى غەلىبىسىنى كىمنىڭ قولغا كەلتۈرىدىغانلىقى بېكىتىلىدىكەن.

　　ئۇكرائىنا مەركىزىي سايلام كومىتېتى ئېلان قىلغان رېئال ۋاقىتلىق سايلام بېلىتىنىڭ ئىستاتىستىكا ئۇچۇرىدا كۆرسىتىلىشىچە، 2-ئاپرېل سائەت يەتتىگىچە، ئىستاتىستىكا قىلىنغان %97.7 سايلام بېلىتىدە، زېلېنسكىنىڭ ئېرىشكەن ئاۋاز نىسبىتى %30.2 بولغان، پوروشېنكونىڭ ئېرىشكەن ئاۋاز نىسبىتى %15.9 بولغان. سابىق زۇڭلى يۇلىيە تىموشېنكونىڭ ئاۋازغا ئېرىشىش نىسبىتى %13.4 بولۇپ، پوروشېنكونىڭكىدىن ئېشىپ كېتىشىدىن ئۈمىد يوق بولغان.

　　ئۇكرائىنا زۇڭتۇڭ سايلىمى 3-ئاينىڭ 31-كۈنى ئۆتكۈزۈلدى، 39 نامزات سايلامغا قاتناشتى. ئۇكرائىنا سايلام قانۇنىغا ئاساسلانغاندا، ئەگەر زۇڭتۇڭ سايلىمىغا بېلەت تاشلاشتا ھېچقايسى نامزات %50تىن ئارتۇق ئاۋازغا ئېرىشەلمىسە، ئېرىشكەن ئاۋاز نىسبىتى ئەڭ يۇقىرى بولغان ئىككى نامزات ئىككىنچى نۆۋەتلىك بېلەت تاشلاشقا قاتنىشىش ئارقىلىق، ئەڭ ئاخىرقى يەڭگۈچى تاللاپ چىقىلىدۇ. يېڭى زۇڭتۇڭ 6-ئاينىڭ 3-كۈنىدىن بۇرۇن قەسەم بېرىپ ۋەزىپىگە ئولتۇرىدۇ، ۋەزىپە ئۆتەش مۇددىتى بەش يىل بولىدۇ.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ