12-ئاينىڭ 12-كۈنى، سەئۇدى ئەرەبىستان پايتەختى رىيادتا، قىزىل دېڭىز ۋە ئەدەن قولتۇقى بويىدىكى دۆلەتلەرنىڭ دىپلوماتىيە مىنىستىرلىرى يىغىنغا قاتناشماقتا.
خەلق تورى ئۇيغۇرچە قانىلىنىڭ 13- دېكابىر بېيجىڭدىن بەرگەن تېلېگراممىسى: تۇنجى نۆۋەتلىك قىزىل دېڭىز ۋە ئەدەن قولتۇقى بويىدىكى دۆلەتلەرنىڭ دىپلوماتىيە مىنىستىرلىرى يىغىنى 12- دېكابىر سەئۇدى ئەرەبىستان پايتەختى رىيادتا ئېچىلدى. بۇ رايوننىڭ بىخەتەرلىكى ۋە مۇقىملىقىنى قوغداش ئۈچۈن، يىغىندا ئورتاق ھەمكارلىق مېخانىزمى ئورنىتىش قارار قىلىندى. سەئۇدى ئەرەبىستانى دۆلەتلىك تېلېۋىزىيە ئىستانسىسىنىڭ خەۋىرىگە قارىغاندا، ھەمكارلىق مېخانىزمى سەئۇدى ئەرەبىستانى، مىسىر، سۇدان، يەمەن، ئىئوردانىيە، جىبۇتى ۋە سومالىنى ئۆز ئىچىگە ئالىدىكەن.
كۆرۈپ بېكىتكۈچى: ياسىن قادىر
مەنبە: خەلق تورى