- مۇھىم
- مەملىكەت
- شىنجاڭ
- خەلقئارا
ئۇكرائىنا زۇڭتۇڭى رۇسىيەدىن تۇتۇپ تۇرۇلغان ئۇكرائىنا پاراخوتى بىلەن خادىملارنى قويۇپ بېرىشىنى تەلەپ قىلدى
2018.11.27 11:12 مەنبە: جۇڭگو ئۇيغۇرچە رادىيو تورى
ئۇكرائىنا زۇڭتۇڭى پوروشېنكو مۇشۇ ئاينىڭ 26-كۈنى ئىجتىمائىي ئالاقە تاراتقۇسى فېيسبوكتا يازما ئېلان قىلىپ ، رۇسىيەدىن تۇتۇپ تۇرۇلغان ئۇكرائىنا پاراخوتى بىلەن خادىملىرىنى دەرھال قويۇپ بېرىش ، ھەمدە تەدبىر قوللىنىپ ئازوۋ دېڭىزىنىڭ ۋەزىيىتىنى پەسەيتىشنى تەلەپ قىلدى .
پوروشېنكو مۇنۇلارنى تەكىتلىدى : رۇسىيە خەلقئارا قانۇننىڭ ئاساسىي پىرىنسىپلىرىغا خىلاپلىق قىلدى. رۇسىيەنىڭ تۇتۇپ قېلىنغان ئۇكرائىنا پاراخوتلىرى بىلەن خادىملىرىنى دەرھال قويۇپ بېرىشى ئازوۋ دېڭىزى ۋەزىيىتى پەسىيىشنىڭ تۇنجى قەدىمى .
ئۇكرائىنا دېڭىز ئارمىيەسى ئاخبارات ئىدارىسى مۇشۇ ئاينىڭ 25 -كۈنى ئېلان قىلغان خەۋەرگە قارىغاندا ، دېڭىز ئارمىيەسىنىڭ ئىككى توپچى پاراخوتى ۋە بىر كېمە سۆرەش پاراخوتىدىن تەشكىللەنگەن پاراخوت ئەترىتى شۇ كۈنى چۈشتىن بۇرۇن كېرچ بوغۇزى چوڭ كۆۋرۈكىدىن ئۆتۈپ قارا دېڭىزدىن ئازۇ دېڭىزغا كىرمەكچى بولغان . رۇسىيەنىڭ پاراخوتى ئۇكرائىنا دېڭىز ئارمىيەسىنىڭ كېمە سۆرەش پاراخوتىنى قەستەن سوققان ، ھەمدە ئۇكرائىنا دېڭىز ئارمىيەسىنىڭ بىر توپچى پاراخوتىنى ئوققا تۇتۇپ ، 6 ئادەمنى يارىلاندۇرغان . نۆۋەتتە ئۇكرائىنا دېڭىز ئارمىيەسىنىڭ 3 پاراخوتى ۋە پاراخوتتىكى 23 خادىم رۇسىيە تەرىپىدىن تۇتۇپ تۇرۇلماقتا.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
ئالاقىدار خەۋەرلەر