10-ئاينىڭ 20-كۈنى، دۇمباقچىلار «دۇمباق زىياپىتى» پائالىيىتىدە ماھارەت كۆرسەتمەكتە.
مالايشىيا 24 مەۋسۇم دۇمبىقى جەمئىيىتى 10-ئاينىڭ 20-كۈنى كەچتە چوڭ تىپتىكى «دۇمباق زىياپىتى» ئۆتكۈزۈپ، 24 مەۋسۇم دۇمبىقى بارلىققا كەلگەنلىكىنىڭ 30 يىللىقىنى خاتىرىلىدى. 24 مەۋسۇم دۇمبىقى 1988-يىلى مالايشىيادىكى جۇڭگولۇقلار ئۇيۇشمىسىدا بارلىققا كەلگەن بىر خىل دۇمباق چېلىش شەكلى بولۇپ، بۇنىڭغا ئېلىمىزنىڭ ئەنئەنىۋى 24 مەۋسۇمى، خەتتاتلىقى ۋە گۇاڭدۇڭ شىر دۇمباق ماھارىتى بىرلەشتۈرۈلگەن. ھەربىر دۇمباققا «ئەتىيازلىق كۈن-تۈن تەڭلىشىشى»، «يازلىق كۈن توختىشى» قاتارلىق 24 مەۋسۇمنىڭ نامى يېزىلغان. ئويۇن قويغاندا ھەربىر دۇمباقچى ئوخشىمىغان رىتىمدا دۇمباق چېلىش بىلەن بىرگەن، چۇقان كۆتۈرۈپ، ھەرىكەتلەرنى قوشۇپ، ھەيۋەتلىك ۋە كۆتۈرەڭگۈ بولۇشتەك ئالاھىدىلىكنى نامايان قىلىدۇ. (جاڭ ۋېنزۇڭ فوتوسى)