9-ئاينىڭ 9-كۈنى، چاۋشيەن پيۇڭياڭدا كاتتا ھەربىي پارات ۋە ئاممىۋى زىننەت ماشىنا كۆرىكى ئۆتكۈزۈلۈپ، دۆلەت قۇرۇلغانلىقىنىڭ 70 يىللىقى قىزغىن تەبرىكلەندى
خەلق تورى ئۇيغۇرچە قانىلىنىڭ 10- سېنتەبىر بېيجىڭدىن بەرگەن تېلېگراممىسى: چاۋشيەن 9-سېنتەبىر پيۇڭياڭدا كاتتا ھەربىي پارات ۋە ئاممىۋى زىننەت ماشىنا كۆرىكى ئۆتكۈزۈپ، دۆلەت قۇرۇلغانلىقىنىڭ 70 يىللىقىنى قىزغىن تەبرىكلىدىدى.
كىم ئېرسىن مەيدانى يېڭىدىن بېزەلگەن بولۇپ، ھەممە يەرگە لوزۇنكا ئېسىلىپ، بايراقلار لەپىلدەپ، بايرام مەنزىرىسى نامايان بولدى.
چاۋشيەننىڭ ئالىي رەھبىرى كىم جوڭئۇن پارتىيە، ھۆكۈمەت، ئارمىيە رەھبەرلىرىنى باشلاپ پائالىيەتكە قاتناشتى، دۇنيانىڭ ھەر قايسى جايلىرىدىن كەلگەن نەچچە يۈز چەت ئەللىك مېھمانلار، ھەرقايسى دۆلەتلەرنىڭ چاۋشيەندە تۇرۇشلۇق ئەلچىلىرى، چەت ئەلدىكى چاۋشيەنلىكلەر ۋەكىللىرى قاتناشتى.
پارات مۇراسىمى باشلىنىشتىن بۇرۇن، چاۋشيەن ئالىي خەلق كېڭىشى دائىمىي كومىتېتنىڭ باشلىقى جىن يوڭنەن سۆز قىلدى. ئۇ مۇنۇلارنى بىلدۈردى: يېقىنقى يىللادىن بۇيان، يولداش كىم جوڭئۇننىڭ رەھبەرلىكىدە، چاۋشيەن ئىقتىسادىي قۇرۇلۇش قاتارلىق ساھەلەردە غايەت زور مۇۋەپپەقىيەتلەرنى قولغا كەلتۈردى. پۈتكۈل خەلق ئەمگەكچىلەر پارتىيەسىنىڭ ئەتراپىغا زىچ ئۇيۇشۇپ، بۇ يىل 4-ئايدا ئېچىلغان 7-نۆۋەتلىك مەركىزىي كومىتېت 3- يىغىنىدا ئوتتۇرىغا قويۇلغان بارلىق كۈچنى مەركەزلەشتۈرۈپ ئىقتىسادىي قۇرۇلۇش ئېلىپ بېرىش ئىستراتېگىيەلىك لۇشيەننى ئىزچىللاشتۇرۇشى ھەمدە دۇنيا تىنچلىقى ۋە يېرىم ئارالنىڭ مۇستەقىل ھالدا بىرلىككە كىلىشى ئۈچۈن تۆھپە قوشۇشى كېرەك.
نامايىش ئاياغلاشقاندىن كېيىن، كىم جوڭئۇن مەخسۇس رەئىس سەھنىسىنىڭ ئىككى تەرىپىگە بېرىپ، كۆرۈش ئۈچۈن كەلگەن مېھمانلار ۋە ئاممىغا قول پۇلاڭلىتىپ ئېھتىرام بىلدۈردى. مەيداندا مۇزىكا چېلىنىپ، كىشىلەر ئىنقىلابىي ناخشىلارنى ئېيتتى.
كۆرۈپ بېكىتكۈچى: ياسىن قادىر
مەنبە: خەلق تورى