خەلق تورى ئۇيغۇرچە قانىلىنىڭ 15- ئاۋغۇست بېيجىڭدىن بەرگەن تېلېگراممىسى: ئىتالىيەنىڭ شىمالىي قىسىمىدىكى گېنويە ۋىلايىتىدە بىر تاشيول كۆۋرۈكى 14- چېسلا ئۆرۈلۈپ چۈشۈپ، ئاز دېگەندە 35 ئادەم ئۆلدى. قۇتقۇزۇش ھەرىكىتى جىددىي ئېلىپ بېرىلىۋاتىدۇ.
8- ئاينىڭ 14- كۈنى، ئىتالىيەنىڭ مەملىكەت ئىچىدىكى كۆپ قىسىم جايلىرىدا ئومۇميۈزلۈك قاتتىق يامغۇر ياغقان. ئىتالىيە تاراتقۇلىرىنىڭ خەۋىرىگە قارىغاندا، ئۆرۈلۈپ چۈشكەن گېنويە A10يۇقىرى سۈرئەتلىك تاشيول بۆلىكىنىڭ چوڭ كۆۋرۈكى بولسا، بىر قىسىم مال سېتىۋېلىش مەركىزى، سودا سارىيى، تۇرالغۇ ۋە دەريا ئۈستىنى ھالقىپ ئۆتىدىغان بولۇپ، ئۆرۈلۈپ چۈشكەن كۆۋرۈك 100 مېتىر ئېگىزلىكتىن تۇيۇقسىز يەرگە چۈشۈپ كەتكەن. ھادىسە يۈز بەرگەن چاغدا، 10چە يۈك ئاپتوموبىلى ۋە باشقا ئاپتوموبىللار شۇ كۆۋرۈكنىڭ ئۈستىدە يۈرۈۋاتقان ئىكەن.
ئۇ تاشيول كۆۋرۈكى 20- ئەسىرنىڭ 60 - يىللىرىدا قۇرۇلغان ئىكەن. شۇ جاينىڭ تاراتقۇلىرىدا خەلق ئىشلىرى قوغداش تارماقلىرى ۋە ئوت ئۆچۈرۈش تارماقلىرى ئەمەلدارلىرىنىڭ سۆزىنى نەقىل كەلتۈرۈپ مۇنداق دېگەن: بۇ ۋەقەنىڭ سەۋەبى بەلكىم بۇ كۆۋرۈكنىڭ قۇرۇلمىسىدا مەسىلە مەۋجۇت بولغانلىقتىن بولۇشى مۇمكىن.
كۆرۈپ بېكىتكۈچى: موللانىياز تۇنىياز
مەنبە: خەلق تورى