سۈرەتتە: 8-ئاينىڭ 13-كۈنى، كورېيە بىرلىككە كەلتۈرۈش مىنىستىرلىقىنىڭ ئەمەلدارى جاۋ مىڭجۈن (ئالدىنقى رەت ئوڭدا) ۋە چاۋشيەن ۋەتەننى تىنچ بىرلىككە كەلتۈرۈش كومىتېتىنىڭ باشلىقى لى شەنچۈەن (ئالدى رەت سولدا) پانمۇنجومنىڭ چاۋشيەن تەرىپىدىكى بىرلىككە كەلتۈرۈش راۋىقىدا، يۇقىرى دەرىجىلىكلەر سۆھبىتىگە قاتناشتى.
خەلق تورى ئۇيغۇرچە قانىلىنىڭ 14- ئاۋغۇست بېيجىڭدىن بەرگەن تېلېگراممىسى: كورېيە ۋە چاۋشيەن 13-ئاۋغۇست پانمۇنجومنىڭ چاۋشيەن تەرىپىدىكى بىرلىككە كەلتۈرۈش راۋىقىدا يۇقىرى دەرىجىلىكلەر سۆھبىتى ئۆتكۈزۈپ، 9- ئايدا چاۋشيەننىڭ پايتەختى پيۇڭياڭدا يەنە بىر قېتىم جەنۇب-شىمال باشلىقلار ئۇچرىشىشى ئۆتكۈزۈشنى بېكىتتى.
شۇ كۈنى سۆھبەت شۇ يەر ۋاقتى چۈشتىن بۇرۇن سائەت 10 (بېيجىڭ ۋاقتى سائەت 9) ئەتراپىدا باشلاندى، كورېيە بىرلىككە كەلتۈرۈش مىنىستىرلىقىنىڭ ئەمەلدارى جاۋ مىڭجۈن بىلەن چاۋشيەن ۋەتەننى تىنچ بىرلىككە كەلتۈرۈش كومىتېتىنىڭ باشلىقى لى شەنچۈەن ئايرىم-ئايرىم كورېيە-چاۋشيەن ۋەكىللەر ئۆمىكىنى باشلاپ كەلدى.
ئىككى تەرەپ ۋەكىللەر ئۆمىكى سۆھبەت باشلىنىشى بىلەن قول ئېلىشىپ كۆرۈشۈپ سالاملاشتى، شۇنىڭ بىلەن بىر ۋاقىتتا، ئىككى تەرەپ سۆھبەتتە قولغا كەلتۈرگەن نەتىجىلەرنى ئىلگىرى سۈرۈش ئارزۇسىنى ئىپادىلىدى. لى شەنچۈەن: چاۋشيەن يېرىم ئارىلىدىكى شىمال، جەنۇپ ئىككى تەرەپ بۈگۈنكى كۈندە قول تۇتۇشۇپ ئىلگىرلەيدىغان دەۋرنى كۈتۈۋالدى، دېدى. جاۋ مىڭجۈن: ئىككى تەرەپنىڭ بىر نىيەت، بىر مەقسەتتە تىرىشىش روھى بىلەن بارلىق مەسىلىلەرنى ھەل قىلىشىنى مۇراجىئەت قىلدى.
كۆرۈپ بېكىتكۈچى: ياسىن قادىر
مەنبە: خەلق تورى