- مۇھىم
- مەملىكەت
- شىنجاڭ
- خەلقئارا
غەززە رايونىدا يۈز بەرگەن قان تۆكۈلۈش ۋەقەسىگە ئېتىراز بىلدۈرۈش يۈزىسىدىن، تۈركىيە بىلەن جەنۇبىي ئافرىقا ئىسرائىلىيەدىكى باش ئەلچىسىنى قايتۇرۇپ كەتتى
2018.05.16 16:29 مەنبە: خەلق تورى
خەلق تورى ئۇيغۇرچە قانىلىنىڭ 16-ماي بېيجىڭدىن بەرگەن تېلېگراممىسى: تۈركىيە ۋە جەنۇبىي ئافرىقا 14-ماي ئايرىم-ئايرىم ھالدا ئۆزلىرىنىڭ ئىسرائىلىيەدىكى باش ئەلچىسىنى قايتۇرۇپ كېتىش ئارقىلىق، پەلەستىنلىك نارازىلىق بىلدۈرگۈچىلەرنىڭ غەززە رايونىدا ئىسرائىلىيە ھەربىيلىرى تەرىپىدىن راست ئوققا تۇتۇلغانلىقى ۋە ياش ئاققۇزغۇچى گاز ئارقىلىق قوغلانغانلىقى، كۆپلىگەن كىشىلەرنىڭ ئۆلۈش-يارىلىنىشىنى كەلتۈرۈپ چىقارغانلىقىغا ئېتىراز بىلدۈردى.
تۈركىيە زۇڭتۇڭى رەجەپ تايىپ ئەردوغان شۇنىڭ بىلەن بىللە مۇنداق دېدى: تۈركىيەدە پەلەستىنلىك قازا قىلغۇچىلار ئۈچۈن ئۈچ كۈن ماتەم تۇتۇلىدۇ، تۈركىيە داۋاملىق پەلەستىن خەلقى بىلەن بىر تەرەپتە تۇرىدۇ.
جەنۇبىي ئافرىقا دىپلوماتىيە مىنىستىرلىقى 14-ماي بايانات ئېلان قىلىپ، ئۆزىنىڭ ئىسرائىلىيەدە تۇرۇشلۇق باش ئەلچىسىنى قايتۇرۇپ كېلىش قارارىنىڭ ھازىردىن باشلاپ كۈچكە ئىگە ئىكەنلىكىنى بىلدۈردى. باياناتتا مۇنداق دېيىلدى: ئامېرىكىنىڭ ئىسرائىلىيەدە تۇرۇشلۇق ئەلچىخانىسى شۇ كۈنى يېرۇسالىمغا يۆتكەلگەنلىكىنى جاكارلىغانلىقى ئوچۇق-ئاشكارا ئىغۋاگەرچىلىك قىلغانلىق، شۇنىڭدىن كېيىن پەلەستىنلىكلەر «تىنچ نامايىش» قوزغىغان.
ئامېرىكا زۇڭتۇڭى دونالد ترامپ خەلقئارا جەمئىيەتنىڭ قارشى تۇرۇشىغا قارىماي، بۇلتۇر 12-ئاينىڭ 6-كۈنى يېرۇسالىمنى ئىسرائىلىيەنىڭ پايتەختى دەپ ئېتىراپ قىلىدىغانلىقىنى جاكارلىدى، شۇنىڭدىن كېيىن ئامېرىكا ئەلچىخانىسىنى يېرۇسالىمغا يۆتكەش ئىشىنى ئورۇنلاشتۇردى.
ئامېرىكىنىڭ ئەلچىخانىسىنى يېرۇسالىمغا يۆتكىگەن كۈنى دەل ئىسرائىلىيەنىڭ «دۆلەت قۇرۇلغانلىق كۈنى» بولۇپ، ئۇنىڭ ئەتىسى، يەنى 5-ئاينىڭ 15-كۈنى پەلەستىنلىكلەرنىڭ «ئاپەت كۈنى».
كۆرۈپ بېكىتكۈچى: ياسىن قادىر
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مۇستافا شاۋكەت
ئالاقىدار خەۋەرلەر