1-ئاينىڭ 22-كۈنى، فىلىپپىننىڭ ئالباي ئۆلكىسىگە جايلاشقان مايون يانار تېغىدىن زور مىقتاردا يانار تاغ كۈلى ئېتىلىپ چىقتى.
خەلق تورى ئۇيغۇرچە قانىلىنىڭ 23- يانۋار بېيجىڭدىن بەرگەن تېلېگراممىسى: فىلىپپىندىكى مايون يانارتېغى 22- يانۋار كۈچلۈك ھەرىكەت قىلدى، نۆۋەتتە فىلىپپىن ھۆكۈمىتى بۇ يانار تاغنىڭ ئېتىلىپ چىقىش ئاگاھلاندۇرۇش دەرىجىسىنى 4-دەرىجىگە ئۆستۈردى ھەمدە يانارتاغ ئەتراپىدىكى ئاھالىلەرنى يەنە بىر قېتىم تارقاقلاشتۇردى. تەكشۈرۈشكە ئاساسلانغاندا، مايون يانارتېغىدا 13- يانۋاردىن باشلاپ كۆپ ھەركەتلىنىش ئالامەتلىرى كۆرۈلگەن. بۇنىڭدىن ئىلگىرى تەخمىنەن 34 مىڭ ئاھالە تارقاقلاشتۇرۇلغان بولۇپ، كېيىن يانارتاغ مۇقىملاشقاچقا، بىر قىسىم ئاھالىلەر تارقاقلاشتۇرۇش مەركىزىدىن ئۆيلىرىگە قايتىپ كەلگەن ئىدى.
كۆرۈپ بېكىتكۈچى: ياسىن قادىر
مەنبە: خەلق تورى