10-ئاينىڭ 31-كۈنى، ئامېرىكىنىڭ نيۇ يورك شەھىرىدىكى مانخاتتان رايونىدا، ساقچىلار ھۇجۇم قىلىش ۋەقەسى نەق مەيدانى ئەتراپىدا قاراۋۇللۇق قىلماقتا.
خەلق تورى ئۇيغۇرچە قانىلىنىڭ 1- نويابىر بېيجىڭدىن بەرگەن تېلېگراممىسى: نيۇ يورك ساقچى تەرەپنىڭ خەۋىرىگە قارىغاندا، نيۇيوركنىڭ مانخاتتاندا 10-ئاينىڭ 31-كۈنى يۈك ئاپتوموبىلى بىلەن ئادەم سوقۇپ ھۇجۇم قىلىش ۋەقەسى يۈز بەرگەن. نيۇ يورك شەھىرىنىڭ باشلىقى دېبراسىئو: ۋەقە سەككىز ئادەمنىڭ قازا قىلىپ، نۇرغۇن ئادەمنىڭ يارىلىنىشىنى كەلتۈرۈپ چىقاردى، بۇ بىر تېررورلۇق ھۇجۇم قىلىش قىلمىشى، دېدى.
نيۇ يورك ساقچى تەرەپ تۋىتتىردا يازما يوللاپ مۇنداق دېدى: 31-چېسلا چۈشتىن كېيىن، بىر يۈك ئاپتوموبىلى مانخاتتاندىكى دۇنيا سودا مەركىزى ئەتراپىدىكى پىيادىلەر ۋە ۋېلىسىپىت يولىغا كىرىپ، نۇرغۇن ئادەمنى سوققاندىن كېيىن داۋاملىق ماڭغان ھەم يەنە بىر ماشىنىغا سوقۇلۇپ كەتكەن. ئارقىدىن شوپۇر تەقلىد قىلىپ ياسالغان قورالنى كۆتۈرۈپ ماشىنىدىن چۈشكەن، كېيىن ساقچىلار ئوق چىقىرىپ يارلاندۇرغان.
ساقچىلار: جىنايەت گۇماندارى ھازىر تۇتۇپ تۇرۇلماقتا، دېدى.
كۆرۈپ بېكىتكۈچى: ياسىن قادىر
مەنبە: خەلق تورى