يەمەندە خولېرا بىلەن گۇمانىي يۇقۇملانغانلار سانى 500 مىڭغا يەتتى

2017.08.18 15:23   مەنبە: خەلق تورى

　　خەلق تورى ئۇيغۇرچە قانىلىنىڭ 18- ئاۋغۇست بېيجىڭدىن بەرگەن تېلېگراممىسى: 8-ئاينىڭ 17-كۈنى، خولېرا بىلەن يۇقۇملانغان بىر بالا يەمەن پايتەختى سانادىكى بىر دوختۇرخانىدا داۋالانماقتا.

　　دۇنيا سەھىيە تەشكىلاتىنىڭ 14- ئاۋغۇست ئېلان قىلغان سانلىق مەلۇماتىدا كۆرسىتىلىشىچە، يەمەندىكى خولېرا يۇقۇم ئەھۋالى داۋاملىق يامانلاشقان، 4-ئاينىڭ ئاخىرىدا يۇقۇم ئەھۋالى تېز سۈرئەتتە يامراپ، ھازىرغىچە گۇمانىي يۇقۇملانغانلار سانى تەخمىنەن 500 مىڭغا يەتكەن، 2000غا يېقىن ئادەم خولېرا سەۋەبىدىن ئۆلۈپ كەتكەن.

　　دۇنيا سەھىيە تەشكىلاتى ھەر قايسى تەرەپلەرنىڭ ماجرانى تېزدىن سىياسىي يول ئارقىلىق ھەل قىلىشىنى مۇراجىئەت قىلىپ، يەمەن خەلقىنىڭ يۇقۇم ئەھۋالىغا داۋاملىق بەرداشلىق بېرەلمەيدىغانلىقىنى بىلدۈردى.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ