خەلق تورى ئۇيغۇرچە قانىلىنىڭ 15- ئاۋغۇست بېيجىڭدىن بەرگەن تېلېگراممىسى: 8-ئاينىڭ 13-كۈنى، پولشا پايتەختى ۋارشاۋانىڭ كونا شەھەر رايونىدا، كىشىلەر ئۇچىسىغا 2-دۇنيا ئۇرۇشى مەزگىلىدىكى كىيىم-كېچەكلەرنى كىيىشىپ، ۋارشاۋا قوزغىلىڭىنىڭ 73 يىللىقىنى خاتىرىلەش پائالىيىتىگە قاتناشتى. 1939-يىلى 9-ئايدا گېرمانىيە فاشىستلىرى پولشاغا تاجاۋۇز قىلىپ كىرگەندىن كېيىن، ۋارشاۋا گېرمانىيە ئارمىيەسىنىڭ ھۇجۇمىدا مۇنقەرز بولدى. تاجاۋۇزچىلىققا قايتۇرما زەربە بېرىش ئۈچۈن، ۋارشاۋا قارشىلىق ھەرىكىتىنىڭ جەڭچىلىرى، ھەربىيلەر ھەم ئاھالىلەر بىرلىشىپ ھەققانىيەتچى قوشۇن تەشكىللىدى. 1944-يىلى 8-ئاينىڭ 1- كۈنى، ۋارشاۋادىكى ئارمىيە ۋە خەلقتىن تەشكىللەنگەن 50 مىڭدىن ئارتۇق كىشى كەڭ كۆلەملىك قوراللىق قوزغىلاڭ كۆتۈرۈپ، ناتسىست ئىشغالىيەتچى ئارمىيەسىگە قارشى تۇردى.
كۆرۈپ بېكىتكۈچى: ياسىن قادىر
مەنبە: خەلق تورى