- مۇھىم
- مەملىكەت
- شىنجاڭ
- خەلقئارا
خەلقئارا ئولىمپىك كومىتېتىنىڭ ئىجرائىيە كومىتېتى قوش تەقسىملەش تەكلىپىنى ماقۇللىدى
بۇنىڭ بىلەن بىر ۋاقىتتا، 2024- يىللىق ۋە 2028- يىللىق ئولىمپىك تەنھەرىكەت مۇسابىقىسى ئۆتكۈزۈلىدىغان جايمۇ بېكىتىلىدىكەن
2017.06.12 17:07 مەنبە: خەلق تورى
خەلق تورى ئۇيغۇرچە قانىلىنىڭ 12- ئىيۇن بېيجىڭدىن بەرگەن تېلېگراممىسى: خەلقئارا ئولىمپىك كومىتېتىنىڭ رەئىسى باخ 9 - ئىيۇن شىۋېيتسارىيەنىڭ لائۇساڭدا مۇنۇلارنى جاكارلىدى: خەلقئارا ئولىمپىك كومىتېتىنىڭ ئىجرائىيە كومىتېتى شۇ كۈنى «قوش تەقسىملەش» تەكلىپىگە بىردەك قوشۇلدى. بۇنىڭ بىلەن بىر ۋاقىتتا، 2024- يىللىق ۋە 2028- يىللىق ئولىمپىك تەنھەرىكەت مۇسابىقىسى ئۆتكۈزۈلىدىغان جايمۇ بېكىتىلىدىكەن.
شۇ كۈنى ئىجرائىيە كومىتېتى يىغىنىدىن كېيىن باخ ئولىمپىك مۇزېيدا ئۆتكۈزۈلگەن ئاخبارات ئېلان قىلىش يىغىنىدا مۇنداق دېدى: خەلقئارا ئولىمپىك كومىتېتىنىڭ ئىجرائىيە كومىتېتى تەكلىپكە بۈگۈن بىردەك قوشۇلدى. بۇنىڭ بىلەن بىر ۋاقىتتا، 2024- يىللىق ۋە 2028- يىللىق ئولىمپىك تەنھەرىكەت مۇسابىقىسى ئۆتكۈزۈلىدىغان جايمۇ بېكىتىلىدۇ.
لېكىن باخ يەنە مۇنۇلارنى بىلدۈردى: مەزكۇر لايىھە 7- ئاينىڭ 11- كۈنى ۋە 12- كۈنى ئۆتكۈزۈلىدىغان ئالاھىدە يىغىندا خەلقئارا ئولىمپىك كومىتېتىنىڭ ئەزالىرى تەرىپىدىن ئاۋازغا قويۇلۇپ، ئۇنى قوبۇل قىلىش-قىلماسلىق ھەققىدە قارار قىلىنىشى لازىم.
2024- يىللىق يازلىق ئولىمپىك تەنھەرىكەت مۇسابىقىسى ئۆتكۈزۈلىدىغان شەھەر بۇ يىل 9- ئايدا پېرۇنىڭ پايتەختى لىمادا ئۆتكۈزۈلىدىغان 130- قېتىملىق خەلقئارا ئولىمپىك كومىتېتىنىڭ ئومۇمىي يىغىنىدا بېلەت تاشلاش ئارقىلىق بارلىققا كېلىدۇ. ئۇنى تالىشىۋاتقان ئىككى نامزات شەھەر ئايرىم-ئايرىم ھالدا فىرانسىيەنىڭ پارىژ شەھىرى ۋە ئامېرىكىنىڭ لوس-ئانژېلېس شەھىرىدىن ئىبارەت.
كۆرۈپ بېكىتكۈچى: موللانىياز تۇنىياز
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر