خەلق تورى ئۇيغۇرچە قانىلىنىڭ 23-مارت بېيجىڭدىن بەرگەن تېلېگراممىسى: 3-ئاينىڭ 22– كۈنى، ئەنگلىيە باش ۋەزىرى تېرىسا ماي لوندوندىكى باش ۋەزىر سارىيى سىرتىدا بايانات ئېلان قىلدى.
ئەنگلىيەنىڭ لوندون شەھىرى مەركىزىدىكى پارلامېنت بىناسى ئەتراپىدا 22-چېسلا چۈشتىن كېيىن تېررورلۇق ھۇجۇم قىلىش ۋەقەسى يۈز بېرىپ، ساقچىلار ۋە ھۇجۇم قىلغۇچىنى ئۆز ئىچىگە ئالغان بەش ئادەم ئۆلدى، يەنە تەخمىنەن 40 ئادەم يارىلاندى. تېرىسا ماي شۇ كۈنى كەچتە باش ۋەزىر سارىيى سىرتىدا بايانات ئېلان قىلىپ، بۇ تېرورلۇق ھۇجۇمنى قاتتىق ئەيىبلەپ، «بۇ كىشىنى بىزار قىلىدىغان، ئىنتايىن رەزىل تېررورلۇق ھۇجۇمى»، دېدى. ئۇ مۇنۇلارنى بىلدۈردى: ئەنگلىيە بۇ ھۇجۇم سەۋەبلىك ھازىرقى تېررورلۇق تەھدىتىنىڭ دەرىجىسىنى ئۆستۈرمەيدۇ، يەنىلا بەش دەرىجىدىكى 2-ئالىي دەرىجىنىڭ «ئېغىر» دەرىجىسىنى ساقلايدۇ.
كۆرۈپ بېكىتكۈچى: ياسىن قادىر
مەنبە: خەلق تورى