خەلق تورى ئۇيغۇرچە قانىلىنىڭ 23-فېۋرال بېيجىڭدىن بەرگەن تېلېگراممىسى: ئامېرىكا ئالەم قاتنىشى ئىدارىسى 22- فېۋرال، بىر خەلقئارا ئاسترونومىيە ئالىملىرى گۇرۇپپىسىنىڭ يەر شارىدىن 40 نۇر يىلى يىراقلىقتا، يەككە تۇرغۇن يۇلتۇزنى چۆرىدەپ ئايلىنىدىغان، قۇياش سىستېمىسى سىرتىدىكى يەتتە سەييارىنى بايقىغانلىقىنى جاكارلىدى.
ئاسترونوملارنىڭ قارىشىچە، قۇياش سىستېمىسىغا ئىنتايىن ئوخشايدىغان بۇ سەييارىلەر سىستېمىسىنى ھازىرغا قەدەر تاشقى پىلانتتىكى ھاياتلىقنى ئىزدەشنىڭ ئەڭ ياخشى جايى، دېيىشكە بولىدىكەن.
ئامېرىكا ئالەم قاتنىشى ئىدارىسىنىڭ مۇئاۋىن باشلىقى توماس زۇربۇچەن شۇ كۈنى ۋاشىنگتوندا ئېچىلغان ئاخبارات ئېلان قىلىش يىغىنىدا: «بۇ بايقاش بىزگە ئىككىنچى يەر شارىنى ئىزدەشكە <بولامدۇ-بولمامدۇ> مەسىلىسى ئەمەس، بەلكى <قاچان؟> دېگەن مەسىلە ئىكەنلىكىدىن دېرەك بەردى»، دېدى.
كۆرۈپ بېكىتكۈچى: ياسىن قادىر
مەنبە: خەلق تورى