- مۇھىم
- مەملىكەت
- شىنجاڭ
- خەلقئارا
شىۋېتسىيە تەتقىقات ئورنى: پۈتۈن دۇنيادىكى قورال-ياراغ سودىسى سوغۇق مۇناسىۋەتلەر ئۇرۇشىدىن كېيىنكى ئەڭ يۇقىرى رېكورتنى ياراتتى، دېدى
2017.02.21 16:44 مەنبە: خەلق تورى
خەلق تورى ئۇيغۇرچە قانىلىنىڭ 21-فېۋرال بېيجىڭدىن بەرگەن تېلېگراممىسى: شىۋېتسىيە سىتوكھولم خەلقئارا تىنچلىق تەتقىقات ئورنى 20- فېۋرال ئېلان قىلغان دوكلاتتا، پۈتۈن دۇنيادىكى قورال-ياراغ سودىسى يېقىنقى بەش يىلدا سوغۇق مۇناسىۋەتلەر ئۇرۇشىدىن بۇيانقى ئەڭ يۇقىرى سەۋىيەگە يەتتى، ئامېرىكا بىلەن رۇسىيەنىڭ ئېكسپورت سوممىسى ئومۇمىي سودا سوممىسىنىڭ يېرىمىنى ئىگىلىدى، ئاسىيادا ھىندىستان ئەڭ چوڭ قورال-ياراغ خېرىدارى بولۇپ قالدى، دېيىلدى.
سىتوكھولم خەلقئارا تىنچلىق تەتقىقات ئورنى ئاشكارىلانغان سانلىق مەلۇماتلارنى مەنبە قىلىپ، پۈتۈن دۇنيادىكى قورال-ياراغ سودىسى ئەھۋالىنى ئىستاتىستىكا قىلىپ، ئوتتۇراھال ۋە ئالاھىدە يىللاردىكى «چوڭ زاكاز»لارنىڭ تەسىرىنى نېيتراللاشتۇرۇش ئۈچۈن، ئۆلچەم مۇددىتىنى بەش يىل قىلىپ بېكىتتى. تەتقىقات ئورنىنىڭ دوكلاتىدا، 2012-يىلىدىن 2016-يىلىغىچە بولغان بەش يىل 1990-يىلىدىن بۇيانقى پۈتۈن دۇنيا قورال-ياراغ سودا سوممىسى ئەڭ كۆپ بولغان بەش يىل بولۇپ، 2007-يىلىدىن 2011-يىلىغىچە بولغان بەش يىلدىكىدىن تەخمىنەن %8 ئاشقان.
خېرىدار تەرەپتىن قارىغاندا، ھىندىستان ئەڭ چوڭ خېرىدار دۆلىتى بولۇپ، ئىمپورت سوممىسى دۇنيا ئومۇمىي سوممىسىنىڭ %13نى ئىگىلىگەن، بۇنىڭ ئىچىدە %68تىنى رۇسىيەدىن سېتىۋالغان. ستوكھولىم خەلقئارا تىنچلىق تەتقىقات ئورنىنىڭ دوكلاتىدىن قارىغاندا، ھىندىستاننىڭ يەرلىك ھەربىي سانائەت تەرەققىيات سەۋىيەسى چەكلىك بولغانلىقتىن، ھىندىستاننىڭ قورال ئىمپورتى خېلى ۋاقىت ئىچىدە داۋاملىق ئاساسلىق ئورۇندا تۇرىدىكەن.
كۆرۈپ بېكىتكۈچى: ياسىن قادىر
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
ئالاقىدار خەۋەرلەر