- مۇھىم
- مەملىكەت
- شىنجاڭ
- خەلقئارا
تۈركىيەنىڭ ھاكىمىيەت بېشىدىكى پارتىيەسى يېڭى رەئىس نامزاتى كۆرسەتتى
2016.05.20 15:25 مەنبە: خەلق تورى
خەلق تورى ئۇيغۇرچە قانىلىنىڭ 20-ماي بېيجىڭدىن بەرگەن تېلېگراممىسى: ئەنقەرە خەۋىرى: 19-ماي، تۈركىيەنىڭ ھوقۇق تۇتۇۋاتقان ھەققانىيەت ۋە تەرەققىيات پارتىيەسى ھازىرقى قاتناش مىنىستىرلىقىنىڭ مىنىستىرى ئېلدىرىمنى بۇ پارتىيەنىڭ يېڭى رەئىسلىكىگە كۆرسەتتى، كەلگۈسىدە ئۇنىڭ تۈركىيەنىڭ يېڭى زۇڭلىسى بولۇشىدىن دېرەك بېرىدۇ. 22-ماي، ھەققانىيەت ۋە تەرەققىيات پارتىيەسى ئالاھىدە يىغىن ئاچىدۇ، شۇ چاغدا بۇ نامزات رەسمىي تەستىقلىنىدۇ.
ھازىر 60 ياشقا كىرگەن ئېلدىرىمنى سىرتتىكىلەر تۈركىيە زۇڭتۇڭى ئەردوغاننىڭ ئەڭ يېقىن ئادىمى، دەپ قارايدۇ، ئۇ 2002-يىلىدىن 2013-يىلىغىچە تۈركىيە قاتناش مىنىستىرلىقىنىڭ مىنىستىرىلىق ۋەزىپىسىنى ئۆتىگەن، 2015-يىلى يەنە بىر قېتىم مۇشۇ ۋەزىپىگە تەيىنلەنگەن. تەھىلىلچىلەر مۇنداق دەپ قارىدى: ئەردوغان تۈركىيەنى پارلامېنت تۈزۈمىدىن زۇڭتۇڭلۇق تۈزۈمىگە ئۆزگەرتىش جەريانىدا، ئالدىنقى نۆۋەتلىك مىنىستىر داۋۇتئوغلۇ بىلەن سېلىشتۇرغاندا ئېلدىرىم تېخىمۇ ماسلىشىدۇ. 5-ئاينىڭ باشلىرىدا، داۋۇتئوغلۇ ئىستېپا بېرىدىغانلىقىنى جاكارلىغاندىن كېيىن، ئېلدىرىم ھازىر زۇڭتۇڭلۇق تۈزۈمىنى يولغا قويىدىغان ۋاقىت كەلدى، دەپ بىلدۈردى.
كۆرۈپ بېكىتكۈچى: ياسىن قادىر
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر