خەلق تورى ئۇيغۇرچە قانىلىنىڭ 19-فېۋرال بېيجىڭدىن بەرگەن تېلېگراممىسى: پاكىستاننىڭ رەئىس شى جىنپىڭنى تونۇشتۇرۇپ ئىنگلىز تىلىدا يېزىلغان تۇنجى كىتابىنى تارقىتىش مۇراسىمى 18-فېۋرال ئىسلامئابادتا ئۆتكۈزۈلدى. پاكىستان زۇڭلىسى، تاشقى ئىشلار مەسلىھەتچىسى ئەزىز، جۇڭگونىڭ پاكىستاندا تۇرۇشلۇق باش ئەلچىسى سۈن ۋېيدۇڭ ۋە پاكىستان-جۇڭگونىڭ ھەر قايسى ساھەسىدىكى زاتلاردىن 200 نەچچە كىشى تارقىتىش مۇراسىمىغا قاتناشتى.
«شى جىنپىڭ −− 2015-يىلدىكى سىياسىئون» دېگەن رەڭلىك كىتاب پاكىستاننىڭ ئاساسىي ئىنگلىز تىلى گېزىتى «پاكىستان كۆزەتكۈچى گېزىتى» تەرىپىدىن نەشىر قىلىنىپ تارقىتىلدى. كىتاب 100 نەچچە بەت بولۇپ، سۈرەت بىلەن تېكىستلەر كىرىشتۈرۈلگەن، كۆپ نۇقتا، ھەر تەرەپتىن شى جىنپىڭنىڭ جۇڭگونىڭ ئەڭ ئالىي رەھبىرى بولۇش سۈپىتى بىلەن ئىچكى ئىشلار، دىپلوماتىيە جەھەتتىكى دۆلەتنى ئىدارە قىلىش تاكتىكىسى ۋە زور تۆھپىسى شۇنداقلا ئۆسۈپ يېتىلىش جەريانى، ئائىلە تۇرمۇشى تونۇشتۇرۇلغان.
شىنجاڭ گېزىتى تەرجىمىسى
مەنبە: خەلق تورى