نورۋېگىيەدىكى مۇساپىرلار ئاچلىق ئېلان قىلدى
رۇسىيە «نەزەرىيە ۋە ئەمەلىيەت گېزىتى»نىڭ 18-يانۋاردىكى خەۋىرىگە قارىغاندا، نورۋېگىيەنىڭ شىمالىي قىسمىدىكى رۇسىيە بىلەن چېگرالىنىدىغان جايدا تۇرۇۋاتقان مۇساپىرلار ئاچلىق ئېلان قىلىپ، نورۋېگىيە ھۆكۈمىتىنىڭ مۇساپىرلارنى قوغلاپ چىقىرىش قارارىغا نارازىلىق بىلدۈرگەن.
خەۋەرگە قارىغاندا، يېقىندىلا نورۋېگىيەنىڭ شىمالىي قىسمىدىكى رۇسىيە بىلەن چېگرالىنىدىغان جايدىكى مۇساپىرلار لاگېرىدا تۇرۇۋاتقان 70 مۇساپىرنى نورۋېگىيە ھۆكۈمىتى چېگرادىن قوغلاپ چىقارغان. قوغلاپ چىقارغان مۇساپىرلارنىڭ دېيىشىچە، ئۇلار ئۆزلىرىنىڭ نېمىشقا قوغلاپ چىقىرىلغانلىقىنى بىلمەيدىكەن، شۇنىڭ بىلەن ئۇلار نورۋېگىيەنىڭ مۇساپىرلارغا بولغان مۇئامىلىسىگە نارازىلىق بىلدۈرگەن.
بۇندىن بۇرۇنقى خەۋەرلەردە دېيىلىشىچە، نورۋېگىيە ھۆكۈمىتى ۋېلىسىپىت بىلەن رۇسىيە چېگراسىدىن كىرگەن مۇساپىرلارنى قوغلاپ چىقىرىشنى قارار قىلغان.
نورۋېگىيە ھۆكۈمىتى 2015- يىلى 12-ئاينىڭ 29- كۈنى شېنگېن دۆلەتلىرىنىڭ سىرتىدىكى باشقا دۆلەتلەردىن كەلگەن بارلىق مۇساپىرلارنى قوغلاپ چىقىرىدىغانلىقىنى جاكارلىغان ھەمدە دۆلەت ئىچى مۇساپىرلار سىياسىتىدە «ياۋروپا بويىچە ئەڭ قاتتىق دۆلەتلەر تىزىملىكىگە كىرگەن».
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
