- مۇھىم
- مەملىكەت
- شىنجاڭ
- خەلقئارا
ئافغانىستان مەسىلىسى 4 تەرەپ مېخانىزمى بويىچە 2- قېتىملىق سۆزلىشىشىدە بىرلەشمە بايانات ئېلان قىلىندى
2016.01.19 14:17 مەنبە: جۇڭگو ئۇيغۇرچە رادىيو تورى
ئافغانىستان پايتەختى كابۇلدا ئېچىلغان ئافغانىستان، پاكىستان، جۇڭگو، ئامېرىكىنىڭ ئافغانىستان مەسىلىسى 4 تەرەپ مېخانىزمىنىڭ 2- قېتىملىق سۆزلىشىشىدە، 18 -يانۋار بىرلەشمە بايانات ئېلان قىلىنىپ، تالىباننىڭ بارلىق مەزھەبلىرىنىڭ ئافغانىستان ھۆكۈمىتى بىلەن بولغان تىنچلىق سۆزلىشىشىگە بالدۇرراق قاتنىشىپ، سۆزلىشىش ئارقىلىق بارلىق سىياسىي ئىختىلاپلارنى ھەل قىلىشى مۇراجىئەت قىلىندى.
باياناتتا مۇنداق دېيىلدى، يىغىنغا قاتناشقان 4 تەرەپ ئافغانىستان ھۆكۈمىتى بىلەن تالىبان قوراللىقلىرىنىڭ تىنچلىق سۆزلىشىش پىلانى ئۈستىدە كېڭىشىپ، بەلگىلىك ئىلگىرىلەشكە ئېرىشتى. پىلاندا، كونكرېت تەدبىر تۈزۈشكە ئەھمىيەت بېرىلىپ، «ئافغانىستانلىقلار يېتەكچىلىك قىلىش، ئافغانىستانلىقلار ئىگىدارچىلىق قىلىش»تىكى تىنچلىق مۇساپىسىگە پايدىلىق شارائىت يارىتىشقا تۈرتكە بولۇنىدۇ، ھەم ئەڭ ئاخىردا ئافغانىستان ۋە پۈتكۈل رايوننىڭ ئۇزاققىچە تىنچ، مۇقىم بولۇشى ئەمەلگە ئاشۇرۇلىدۇ.
باياناتتا مۇنۇلار جاكارلاندى، يىغىنغا قاتناشقان ھەر قايسى تەرەپلەر، ئافغانىستان دۆلەت ئىچىنىڭ تىنچلىقى ۋە يارىشىش مۇساپىسىگە تۈرتكە بولۇش ئۈچۈن قەرەللىك سۆزلىشىشكە قوشۇلدى، كېيىنكى نۆۋەتلىك يىغىن 2- ئاينىڭ 6- كۈنى، پاكىستان پايتەختى ئىسلامئابادتا ئۆتكۈزۈلىدۇ.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
