- مۇھىم
- مەملىكەت
- شىنجاڭ
- خەلقئارا
جۇڭگو تاجىكىستاننىڭ بىخەتەرلىك، مۇقىملىقىنى قوغدىشىنى قوللايدۇ
2015.09.11 16:10 مەنبە: جۇڭگو ئۇيغۇرچە رادىيو تورى
دىپلوماتىيە مىنىستىرلىقىنىڭ باياناتچىسى خوڭ لېي يېقىندا تاجىكىستاندا يۈز بەرگەن زوراۋانلىق بىلەن ساقچىلارغا ھۇجۇم قىلىش ۋەقەسى ھەققىدە تۈنۈگۈن دىپلوماتىيە مىنىستىرلىقىنىڭ قەرەللىك مۇخبىرلار يىغىنىدا سوئاللارغا جاۋاب بەرگەندە مۇنداق دېدى: جۇڭگو تاجىكىستاننىڭ دۆلەت بىخەتەرلىكى، مۇقىملىقىنى قوغداش ئۈچۈن قوللانغان تەدبىرلىرىنى قوللايدۇ. جۇڭگو تاجىكىستاندا يېقىندا يۈز بەرگەن زوراۋانلىق بىلەن ساقچىلارغا ھۇجۇم قىلىش ۋەقەسىگە يۈكسەك دىققەت قىلىدۇ. جۇڭگو بىلەن تاجىكىستان-دوست قوشنىلار ھەم ئىستراتېگىيەلىك شېرىكلەر، جۇڭگو تاجىكىستان ھۆكۈمىتىنىڭ دۆلەتنىڭ بىخەتەرلىكى، مۇقىملىقىنى قوغداش ئۈچۈن قوللانغان تەدبىرلىرىنى قوللايدۇ. ئۇ مۇنداق دېدى: جۇڭگو تاجىكىستان بىلەن بولغان بىخەتەرلىك ھەمكارلىقىنى يەنىمۇ چوڭقۇرلاشتۇرۇپ، ئىككى دۆلەت ھەم بۇ رايوننىڭ تىنچلىقى، ئامانلىقىنى قوغداشنى خالايدۇ. تاجىكىستان زۇڭتۇڭى ئاخبارات ئىدارىسىنىڭ خەۋىرىگە قارىغاندا، بىر توپ تېررورچى 4-سېنتەبىر سەھەردە ۋەھدەت شەھىرىدىكى ئىچكى ئىشلار مىنىستىرلىقىنىڭ ئىشخانىسى، پايتەخت دۈشەنبىدىكى بىر ساقچى ئىدارىسى ھەم دۈشەنبە ئايرودۇرۇمىغا ھۇجۇم قىلىپ، سەككىز ساقچىنىڭ جېنىغا زامىن بولغان، يەنە بەش ئادەمنى يارىلاندۇرغان.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر