- مۇھىم
- مەملىكەت
- شىنجاڭ
- خەلقئارا
تايلاند ئارمىيە ساقچىلىرى: تۆت يۈزلۈك بۇتنى پارتلىتىش دېلوسى تەشكىللىك جىنايەت
2015.08.31 14:46 مەنبە: جۇڭگو ئۇيغۇرچە رادىيو تورى
تايلاند ساقچى ئىدارىسىنىڭ باشلىقى 29-ئاۋغۇست كەچتە تاراتقۇلارغا مۇنداق دېدى: ساقچى تەرەپ شۇ كۈنى تۇتقان چەتئەللىك ئەرنى يەنىمۇ سوراق قىلىش ۋە تەكشۈرۈش ئارقىلىق بۇ مۇھىم گۇماندارنىڭ تۆت يۈزلۈك بۇت پارتلىتىش دېلوسىدىكى ھەقىقىي قاتىل ئىكەنلىكىنى بېكىتىدۇ. تايلاند ئارمىيە تەرەپنىڭ يۇقىرى دەرىجىلىك ئوفىتسېرى مۇنداق دەپ كۆرسەتتى: نۆۋەتتە بۇ دېلودا گۇمانلار كۆپ، بىراق بۇنى تەشكىللىك جىنايى ھەرىكەت دەپ بېكىتىشكە بولىدۇ.
تايلاند ساقچى تەرەپ باياناتچىسىنىڭ تونۇشتۇرىشىچە: شۇ كۈنى يۈزدىن كۆپرەك ساقچى ۋە ھەربىي ئىشقا سېلىنىپ، پايتەخت باڭكوك شەھىرى ئەتراپىدىكى بىر داچىدا 28 ياشلىق بىر چەتئەللىك ئەرنى قولغا ئالغان، ھەمدە ئۇ ئىجارىگە ئىلىپ ئولتۇرغان داچىدا پارتلىتىش بۇيۇمىنى ياساشقا ئىشلىتىدىغان ماتېرىياللار ۋە قوراللارنى تەكشۈرۈپ قولغا چۈشۈرگەن بولۇپ، بۇ، تۆت يۈزلۈك بۇت پارتلىتىش دېلوسى بىلەن ساتون پورتىدىكى ئەمەلگە ئاشمىغان پارتلىتىش دېلوسىدا ئىشلىتىلگەن ماتېرىياللار بىلەن ئوخشاش ئىكەن. ساقچى تەرەپ بۇ، 17- ئاۋغۇست تۆت يۈزلۈك بۇت پارتلىتىش دېلوسى بىلەن مۇناسىۋەتلىك بولۇشى مۇمكىن دەپ گۇمانلانغان.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
