خەلق تورى ئۇيغۇرچە قانىلىنىڭ 29-ئاپرېل بېيجىڭدىن بەرگەن تېلېگراممىسى: ئامېرىكا مارىيلاند شىتاتىنىڭ ئەڭ چوڭ شەھىرى بالتىموردا 27-ئاپرېل ئۇرۇش، چېقىش، بۇلاش، كۆيدۈرۈش ۋەقەسى يۈز بېرىپ، ئاز دېگەندە 15 ساقچى يارىلاندى، 27 كىشى قولغا ئېلىندى.
ئافرىقا پۇشتىدىن بولغان ياش فرېدىي گرەي ساقچىلار تەرىپىدىن قولغا ئېلىنغاندىن كېيىن زەخمىلىنىپ ئۆلۈش ۋەقەسىدىن كېلىپ چىققان بالتىموردىكى نامايىش نەچچە كۈن داۋاملاشتى، نامايىشچىلار ساقچىلارنىڭ زوراۋانلىق بىلەن قانۇن ئىجرا قىلىشىغا قارشى تۇرۇپ، ۋەقەنىڭ ھەقىقىي ئەھۋالىنى تەلتۆكۈس تەكشۈرۈش ۋە ئېلان قىلىشىنى تەلەپ قىلدى. 25-ئاپرېل يەنە بۇگۈنگە قەدەر كۆلىمى ئەڭ چوڭ بولغان نامايىش پارتلىدى، بىراق نامايىشنىڭ ئاخىرقى مەزگىلىدە تىنچ نارازىلىق ئۇرۇپ چېقىش، بۇلاش، كۆيدۈرۈش مالىمانچىلىقىغا ئايلىنىپ كەتتى.
تەرجىمە مۇھەررىرى:ت. ئا.ئەركمان
مەنبە: خەلق تورى