- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
مېكسىكىدىكى بىر ئالتۇن كاندىن 900 كىلوگىرام ئالتۇن بۇلاپ كېتىلدى
2015.04.09 16:07 مەنبە: تەڭرىتاغ ئۇيغۇرچە تورى
ئامېرىكا «ۋاشىنگتون كۈندىلىك پوچتا گېزىتى» نىڭ 8-ئاپرېل خەۋەر قىلىشىچە، مېكسىكىنىڭ غەربىدىكى سىنالويا ئۆلكىسىدىكى موگېلى شەھىرىنىڭ تاغلىق رايونىدىكى بىر ئالتۇن كان قوراللىق ئۇنسۇرلارنىڭ بۇلاڭ-تالاڭ قىلىشىغا ئۇچرىغان بولۇپ، 900 كىلوگىرام ئېغىرلىقتىكى ئالتۇن بۇلاپ كېتىلگەن، بۇنىڭ تەركىبىدە 7000 ئۇنسىيە سېرىق ئالتۇن بار بولۇپ، باھاسى 8 مىليون 400 مىڭ دوللار (تەخمىنەن 52 مىليون 110 مىڭ يۈەن خەلق پۇلىغا باراۋەر) كېلىدىكەن.
بۇلاڭچىلىققا ئۇچرىغان كاننىڭ ئېچىش سودىگىرى، يەنى كانادا كانچىلىق شىركىتى McEwen مۇنۇلارنى بىلدۈرگەن: مەزكۇر شىركەت ئالتۇن كاننى سۇغۇرتىغا قاتناشتۇرغان، بىراق سۇغۇرتا شىركىتى تۆلەپ بەرگەن تۆلەم سوممىسى بۇ قېتىملىق بۇلاڭچىلىقتا تارتقان زىياننى تولدۇرۇپ بېرەلمەيدىكەن.
ئىگىلىنىشىچە، مەزكۇر كاننىڭ بۇلاڭچىلىققا ئۇچرىغانلىقى توغرىسىدىكى ئۇچۇر ئەڭ ئاۋۋال McEwen شىركىتىنىڭ تور بېكىتىدە ئېلان قىلىنغان بولۇپ، ھازىر مېكسىكا يەرلىك ھۆكۈمەت بۇنىڭغا قارىتا ھېچقانداق ئۇچۇر ئېلان قىلمىغان.
مەسئۇل مۇھەررىر : ئالىم راخمان
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
