- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ئوتتۇرا شەرق داۋالغۇشى: ئامېرىكا نېمە ئۈچۈن قايتا ئويلىنىشى شەرت؟
2014.08.21 15:38 مەنبە: خەلق تورى
خەلق تورى ئۇيغۇرچە قانىلىنىڭ 21-ئاۋغۇست بېيجىڭدىن بەرگەن تېلېگراممىسى: يېقىنقى مەزگىلدىن بۇيان ئوتتۇرا شەرقتىكى كۆپ دۆلەتلەردە ۋەزىيەت كەسكىنلەشتى. لىۋىيەدىكى بىدئەت كۈچلەرنى قوللىغۇچىلار ۋە دىننى كۈچلەردىن ئىبارەت ئىككى تەرەپنىڭ قوراللىق خەلق ئەسكەرلىرى پايتەخت ترىپولى ۋە ئىككىنچى چوڭ شەھەر بىنگازى قاتارلىق جايلاردا شىددەتلىك جەڭنى داۋاملاشتۇرماقتا، لىۋىيەدە تۇرۇشلۇق ھەرقايسى دۆلەت دىپلوماتىيە خادىملىرى ئارقا-ئارقىدىن ئايرىلدى.
ئىراقتىكى «ئىراق ۋە شام ئىسلام دۆلىتى» دەپ ئاتالغان ئاشقۇن تەشكىلات تېز سۈرئەتتە باش كۆتۈرۈپ، ئۈچىنچى چوڭ شەھەر موسۇلنى ئۆز ئىچىگە ئالغان ئىراقنىڭ شىمالىدىكى كەڭ رايوننى ئىگىلىۋالدى، ھەتتا پايتەخت باغداتقا تەھدىت سالدى. شۇنىڭ بىلەن بىرگە، كۇردلار كونتروللۇقىدىكى رايونلارمۇ قالايمىقانچىلىقتىن پايدىلىنىپ مۇستەقىللىق تەلەپ قىلىپ، مەركەز بىلەن ئۈزەڭگە سوقۇشتۇردى.
سۈرىيەدىكى قاتمال جەڭ ۋەزىيىتىدە يەنىلا بۆسۈس يوق، شۇنىڭ بىلەن بىرگە، ئاشقۇن تەشكىلات ۋەزىيەتنى قالايمىقانلاشتۇرۇپ، ھۆكۈمەت ئارمىيەسى ۋە باشقا ئۆكتىچىلەر بىلەن توقۇنۇشىۋاتىدۇ، بۇ دۆلەت ئاللىبۇرۇپ «قۇچاغلاشما جەڭ» ھالىتىگە كىرىپ قالدى.
بۇنىڭدىن باشقا، ئىسرائىلىيە ۋە پەلەستىن ئوتتۇرىسىدا يېڭى بىر قېتىملىق توقۇنۇش يۈز بېرىپ، ھازىرغىچە 2000 غا يىقىن پەلەستىنلىك قازا قىلدى. بۇ ئۇرۇشنىڭ قاچان ئاياغلىشىدىغانلىقىنى پەرەز قىلغىلى بولمايدۇ. تارىخقا نەزەر سالساق، ئامېرىكىنىڭ بۇ قالايمىقانچىلىقلارنىڭ ھېچقايسىسىدىن مۇستەسنا ئەمەسلىكىنى بايقاش تەس ئەمەس.
جۇڭگو مىللەتلەر تەرجىمە ئىدارىسى تەرجىمىسى
مەنبە: خەلق تورى
مەسئۇل مۇھەررىر : مەلىكەم مەمەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
