11-ئىيۇن ئىراقتىكى رادىكال تەشكىلات ئىراقنىڭ شىمالىي قىسمىدىكى نېنىۋى ئۆلكىسىنى كونترول قىلغانلىقىنى جاكارلىدى. (ۋىدېيودىن كېسىۋېلىنغان سۈرەت)
ئىراقنىڭ نېنىۋى ئۆلكىسىنىڭ مەركىزى 2-چوڭ شەھىرى ماۋسۇردىن كېيىن، سالاھىدىن ئۆلكىسىنىڭ مەركىزى تىكلىت 11-ئىيۇن ھۆكۈمەتكە قارشى قۇراللىق كۈچلەر تەرىپىدىن يەنە بىر قېتىم ئىگىلىنىۋېلىندى. خەلقئارا كۆچمەنلەر تەشكىلاتى شۇ كۈنى ئاخبارات ئېلان قىلىپ 500 مىڭ ماۋسۇر ئاھالىسىنىڭ يۇرت ماكانىدىن ئايرىلغانلىقىنى ئېيتتى. ئۇندىن باشقا خەۋەرلەرگە قارىغاندا تۈركىيەنىڭ نەچچە ئون دىپلوماتى ۋە ئۇلارنىڭ ئائىلىسىدىكىلەر قۇراللىق كۈچلەر تەرىپىدىن تۇتقۇن قىلىنغان.
بۇ يىل كىرگەندىن بۇيان، فاللۇجى شەھىرى بىلەن رەمادىنىڭ بىر قىسىم رايونىدا ئىراق ۋە شام ئىسلام دۆلىتى ۋە باشقا ھۆكۈمەتكە قارشى قۇراللىق تەشكىلات بىلەن ئىراق بىخەتەرلىك قىسىملىرى ئوتتۇرىسىدا شىددەتلىك جەڭ بولۇپ، زور ئۆلۈم-يىتىم ۋەقەلىرى يۈز بەردى. ماۋسۇر بىلەن تىكلىتنىڭ ئارقا-ئارقىدىن قول كېتىشى بىلەن ئىراقنىڭ بىخەتەرلىك ۋەزىيىتى يەنىمۇ يامانلاشتى.