شۇ جاي ۋاقتى 12-ماي، ئۇكرائىنانىڭ شەرقىي قىسمىدىكى دۇنىچىك ئوبلاستى بىلەن لۇخانسك ئوبلاستى ئومۇمىي خەلق ئاۋاز بېرىش نەتىجىسىگە ئاساسەن، ئۇكرائىنادىن ئايرىلىپ «ئىگىلىك ھوقۇقلۇق دۆلەت»كە ئايلانغانلىقىنى جاكارلىدى.
خەلق تورى ئۇيغۇرچە قانىلىنىڭ 13-ماي بېيجىڭدىن بەرگەن تېلېگراممىسى: ئۇكرائىنا تاراتقۇلىرىنىڭ خەۋىرىگە ئاساسلانغاندا، ئۇكرائىنانىڭ شەرقىي قىسمىدىكى لۇخانسك ئوبلاستى ۋە دۇنىچىك ئوبلاستىدىكى ئومۇمىي خەلق ئاۋاز بېرىشكە تەشكىللىگۈچىلەر 12-چېسلا ئىلگىرى-كېيىن بولۇپ، 11-چېسلادىكى ئومۇمىي خەلق ئاۋاز بېرىش پائالىيىتىنىڭ نەتىجىسىگە ئاساسەن ئىگىلىك ھوقۇقلۇق دۆلەت قۇرۇشنى قارار قىلغان.
12-چېسلا لۇخانسىك شەھىرىدە 2500 دەك ئامما يىغىلىش ئۆتكۈزگەن. يىغىلىشتا جاكارلانغان خىتابنامىدە «لۇخانسىك خەلقى ئىگىلىك ھوقۇقلۇق دۆلەت ‐‐ لۇخانسىك خەلق جۇمھۇرىيىنى قۇرغانلىقىنى جاكارلايدۇ. بۇ خىتابنامە ئوبلاست بويىچە ئومۇمىي خەلق ئاۋاز بېرىشنىڭ تەستىقلانغان كۈندىن باشلاپ كۈچكە ئىگە بولىدۇ.»
«دۇنىچىك خەلق جۇمھۇرىيىتى»نىڭ رەھبىرى پۇشىلىن مۇخبىرلارنى كۈتۈۋېلىش يىغىنىدا مۇنداق دېدى: «دۇنىچىك خەلققى 11-چېسلادىكى ئومۇمىي خەلق ئاۋاز بېرىش نەتىجىسىگە ۋە ئىگىلىك ھوقۇق خىتابنامىسىگە ئاساسەن جاكارلايدۇكى، دۇنىچىك خەلق جۇمھۇرىيىتى بۇندىن كېيىن ئىگىلىك ھوقۇقلۇق دۆلەت بولىدۇ.»
ئۇكرائىنانىڭ شەرقىي قىسمىدىكى لۇخانسىك ئوبلاستى ۋە دۇنىچىك ئوبلاستىدىكى خەلق قوراللىق كۈچلىرى 4-ئاينىڭ بېشىدا «خەلق جۇمھۇرىيىتى» قۇرغان ھەم 11-ماي ئايرىم-ئايرىم ھالدا ئۆز ئوبلاستى تەۋەسىدە ئومۇمىي خەلق ئاۋاز بېرىش پائالىيىتى ئۇيۇشتۇرغانىدى. ئىككى ئوبلاستتىكى ئاۋاز بېرىشكە تەشكىللىگۈچىلەر 11-چېسلا كېچىدە ۋە 12-چېسلا ئىلگىرى-ئاخىر بولۇپ، %90 ۋە 90 نەچچە پىرسەنت ئاۋاز بەرگۈچىنىڭ قوشۇلۇپ ئاۋاز بەرگەنلىكىنى ئېلان قىلدى.
جۇڭگو مىللەتلەر تەرجىمە ئىدارىسى تەرجىمىسى
مەنبە: خەلق تورى