- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
خەلقئارا جەمئىيەت شى جىنپىڭنىڭ سوچى قىشلىق ئولىمپىك تەنھەرىكەت مۇسابىقىسىگە قاتنىشىدىغانلىقىغا باھا بەردى
2014.02.07 08:52 مەنبە: جۇڭگو ئۇيغۇرچە رادىيو تورى
رۇسىيە فېدېراتسىيە پىرېزىدېنتى پۇتىننىڭ تەكلىپىگە بىنائەن، دۆلەت رەئىسى شى جىنپىڭ 6-فېۋرالدىن 8-فېۋرالغىچە رۇسيەنىڭ سوچى شەھىرىگە بېرىپ 22-نۆۋەتلىك قىشلىق ئولىمپىك تەنھەرىكەت مۇسابىقىسىنىڭ ئېچىلىش مۇراسىمىغا قاتنىشىدۇ. بۇ جۇڭگو دۆلەت رەھبىرىنىڭ تۇنجى قېتىم چەتئەللەردە بۇ خىل چوڭ تىپتىكى تەنھەرىكەت پائالىيەتلىرىگە قاتنشىشى ھېسابلىنىدۇ. خەلقئارا جەمئىيەتنىڭ ھەر قايسى ساھەلىرىدىكى زاتلار، بۇ ئىككى دۆلەت مۇناسىۋىتىنىڭ ناھايىتى قۇيۇق ئىكەنلىكىنىڭ مۇھىم نامايەندىسى، ئىككى دۆلەت دىپلوماتىيەسىنىڭ مۇھىم يۆلىنىشى دەپ ھېسابلاشتى.
رۇسىيە پەنلەر ئاكادېمىيەسى يىراق شەرق تەتقىقات ئورنىنىڭ باشلىقى، ئاكادېمىك تىتاليانكو مۇنداق دېدى: رەئىس شى جىنپىڭنىڭ بۇ قېتىم سوچى قىشلىق ئولىمپىك تەنھەرىكەت مۇسابىقىسىنىڭ ئېچىلىش مۇراسىمىغا قاتنىشىشى جۇڭگونىڭ ئولىمپىك تەنھەرىكەت مۇسابىقىسى ۋە رۇسىيەنىڭ ئولىمپىكنى ئۆكتۈزۈشىنى قوللايدىغانلىقىنى كۆرسىتىپ بەردى. ئۆتكەن يىلى 3-ئايدا، شى جىنپىڭ دۆلەت رەئىسى بولغاندىن كېيىن، زىيارىتىنىڭ تۇنجى بېكىتىدە رۇسىيەگە كەلدى. ئۇنىڭ بۇ قېتىم رۇسىيەگە يەنە زىيارەتكە كېلىشى جۇڭگو رەھبەرلىرىنىڭ ئادەتنى بۇزۇپ تۇنجى قېتىم چەتئەللەردە بۇ خىل چوڭ تىپتىكى تەنھەرىكەت مۇسابىقىسىگە قاتنشىشى ھېسابلىنىدۇ. بۇ ئىككى تۇنجى ئىش رۇسىيە بىلەن جۇڭگو مۇناسىۋىتىنىڭ مۇھىملىقىنى كۆرسىتىپ بەردى، قىشلىق ئولىمپىكتەك بۇ خىل خەلقئارا تەنھەرىكەت مۇسابىقىسىگە قاتنشىش ئىككى دۆلەت رەھبەرلىرىنىڭ دوستلۇقىنى كۈچەيتىشكە پايدىلىق بولۇپلا قالماستىن يەنە تەنھەرىكەت دىپلوماتىيەسىدىن پايدىلىنىپ ئىككى تەرەپنىڭ ئەل ئارا ئالاقىسىنى كېڭەيتىش، ئىككى تەرەپلىك مۇناسىۋەتنى كۈچەيتىشنىڭ مۇھىم ۋاستىسى بولىدۇ.
ئامېرىكا بىرۇكىنىس ئىلمىي جەمئىيىتى جون سانتون جۇڭگو مەركىزىنىڭ تەتقىقات مۇدىرى لى چىڭ مۇنداق دېدى: جۇڭگو رەھبىرىنىڭ چەتئەلدىكى تەنھەرىكەت مۇسابىقىسىگە قاتنىشىشى ئىنتايىن ئاز كۆرۈلىدۇ. رەئىس شى جىنپىڭنىڭ قاتنىشىشى جۇڭگو دىپلوماتىيەسىنىڭ ئىجابىي تىرىشچانلىقىنى كۆرسىتىپ بەردى.
كورىيەدە چىقىدىغان «خەلق گېزىتى»نىڭ خەۋىرىدە، رەئىس شى جىنپىڭنىڭ سوچى قىشلىق ئولىمپىك تەنھەرىكەت مۇسابىقىسىنىڭ ئېچىلىش مۇراسىمىغا قاتنىشىشى ۋە جۇڭگو بىلەن رۇسىيە رەھبەرلىرىنىڭ ئۈزلۈكسىز ئۆز ئارا زىيارەتتە بولۇشى بۇ ئىككى دۆلەت مۇناسىۋىتىنىڭ ئىلگىرى كۆرۈلۈپ باقمىغان قويۇق دەرىجىگە بارغانلىقىنى كۆرسىتىپ بېرىدۇ، دەپ ھېسابلاندى. كورىيەدە چىقىدىغان «كۇڭياڭ خەۋەرلىرى گېزىتى»نىڭ خەلقئارا بېتىدە ئېلان قىلىغان ماقالىدە، جۇڭگونىڭ يېڭى رھبەرلىك قاتلىمى جۇڭخۇا مىللەتلىرىنىڭ ئۇلۇغ گۈللىنىشىنىڭ قوشنا ئەللەر بىلەن بولغان دوستلۇق مۇناسىۋەتتىن ئايرىلالمايدىغانلىقىنى تونۇپ يەتتى، رەئىس شى جىنپىڭنىڭ تۇنجى قېتىم دۆلەت رەھبىرى سالاھىيىتى بىلەن سوچى قىشلىق ئولىمپىك تەنھەرىكەت مۇسابىقىسىگە قاتنىشىشى جۇڭگونىڭ ئەتراپ دىپلوماتىيەسىگە ئېتىبار بەرگەنلىكىنىڭ نامايەندىسى، دېيىلدى.
خەلقئارا جەمئىيەت جىنپىڭنىڭ سوچى قىشلىق ئولىمپىك تەنھەرىكەت مۇسابىقىسىگە قاتنىشىدىغانلىقىغا باھا بەردى
مەسئۇل مۇھەررىر : ئالىم راخمان
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
