باش بەت قىلىڭ بەت ساقلاڭ ئالاقىلىشىڭ بىز
  • مۇھىم
  • مەملىكەت
  • شىنجاڭ
  • خەلقئارا

ئەڭ يېڭى سۈرەتلەر



ئالبوم







خەلق تورى>>خەلقئارا خەۋەرلەر

تايلاندنىڭ سابىق زۇڭلىسى ئابخىسىت قەستلەپ ئۆلتۈرۈش جىنايىتى بىلەن رەسمىي ئەيىبلەندى

2013.12.13 14:59         مەنبە: شىنجاڭ گېزىتى

پرىنتېرلاش خەت چوڭ-كىچىكلىكى

  شىنخۇا ئاگېنتلىقى، باڭكوك، 12 – دېكابىر تېلېگراممىسى. تايلاند جىنايى ئىشلار سوت مەھكىمىسى 12 – دېكابىر تايلاندتىكى ئەڭ چوڭ ئۆكتىچى پارتىيە دېموكراتلار پارتىيەسىنىڭ باشلىقى، سابىق زۇڭلى ئابخىسىتنى قەستلەپ ئۆلتۈرۈش جىنايىتى بىلەن رەسمىي ئەيىبلەپ، ئۇنى 2010 – يىلىدىكى ھۆكۈمەتكە قارشى نامايىش مەزگىلىدە ھەربىي دائىرىلەرگە ئاممىۋى نامايىشنى باستۇرۇش توغرىسىدا بۇيرۇق چۈشۈرۈپ، تالاپەت پەيدا قىلىشقا چېتىشلىق، دېدى.

  ئابخىسىت 12 – دېكابىر چۈشتىن بۇرۇن سوتقا چىقىپ تەپتىش دائىرىلىرىنىڭ ئۆزىنى ئەيىبلىشىنى ئاڭلىدى ھەم ئەيىبلەشنى ئىنكار قىلدى. سوت بۇ دېلوغا كېلەر يىلى 3 – ئايدا سوت ئېچىپ قاراپ چىقىشنى قارار قىلدى.

  تايلاند ئالىي باش تەپتىش ئىشخانىسى بۇ يىل 10 – ئايدا ئابخىسىت ۋە سابىق مۇئاۋىن زۇڭلى سۇتخېپنى ئەيىبلەشنى قارار قىلغان، چۈنكى 2010 – يىلى 19 – ماي ئابخىسىت ھۆكۈمىتى خەۋپسىزلىك قىسىملىرىنى ئىشقا سېلىپ باڭكوكتا نامايىش قىلغان ‹‹قىزىل مايكىلىقلار قوشۇنى››نى ‹‹تازىلاش››نى قارار قىلغان. ‹‹تازىلاش›› ھەرىكىتىدە تەخمىنەن 90 كىشى قازا قىلىپ، 1900چە كىشى يارىلانغان. تەپتىش دائىرىلىرى مۇنداق قارىدى: ئابخىسىت شۇ چاغدا خەۋپسىزلىك قىسىملىرىنىڭ ئەجەللىك قوراللارنى ئىشلىتىشىنى تەستىقلاپ، كىشىلەرنىڭ تالاپەتكە ئۇچرىشىنى بىۋاسىتە كەلتۈرۈپ چىقارغان. سۇتخېپ شۇ چاغدا ئابخىسىت ھۆكۈمىتىنىڭ خەۋپسىزلىك ئىشلىرىغا مەسئۇل 1 – مۇئاۋىن زۇڭلى ئىدى.

مەسئۇل مۇھەررىر : ھەبىبە ئىسمائىل

ئالاقىدار خەۋەرلەر